2016年3月31日

2016年3月30日

追劇


天氣凍,最好就係宅係屋企追劇啦。

在網上見到有這套「狂潮」,覺得套劇幾好追,不過有129 集架。劇中所有角色都交足戲,扮上流社會的,穿著得十分有品味。 扮低下層的,也非常入戲。 有一場法庭戲,用英式英文對白,口音非常純正架,製作認真。

依家睇,劇情一D都唔老土喎。


2016年3月28日

巡視業務


每次從香港回來,都會行下中超,西超和街市𥄫𥄫行情。有時候,見到自己買到平貨,就會好開心,我真係好C9架。


2016年3月27日

Easter Sunday


今日係三月最後一個星期日,是英國夏令時間較快鐘的日子,將會日長夜短

今日又係復活節星期日,英國人除了去教堂、酒吧就無地方可去。周圍水静河飛,我家附近無店舖開門。

本來打算出公園散步,運動一下;又想和老 dad 去 outlets ,但外面橫風橫雨,好似打8號風球咁。

終於吽在家,煲劇呀!


2016年3月25日

Pizza


今日是復活節星期五,所有商場店舖只是限時開門,好似平時星期日咁。 和老DAD 食晏,行左food court 一個圈,我地選擇食 Pizza Express。


2016年3月24日

炸豬扒麵


我仲未有時間寫寫旅遊的點點滴滴。但每日都睇相簿,懷念下都好喇。

有天和家人去大埔買餸,老 dad 忽然想食三樓的熟食檔。佢在香港唔鍾意出街食野,所以我都好 surprised 。



2016年3月23日

好聽話


從香港回來幾天,仲放緊假呀。

婚禮完結後,每天都有人請飲茶,請食飯。我知呀,佢地熱情還高漲。


2016年3月22日

恐怖襲擊


今日又一單恐怖襲擊,新聞報導說 ISIS 承認這是繼去年巴黎爆炸事件後,再一次 attack 比利時布魯塞爾。

究竟這種仇恨鬥爭幾時先可以完結!

網上圖片

2016年3月18日

知法犯法


今日過馬路,心不在焉,個腦唔知諗咩。居然,無按規定,紅公仔便走過馬路,給差人捉著,控違反規例。

唉!自己都係一個駕駛者,平時最憎人亂過馬路。今日知法犯法。

差人已警告會發傳票,經過今次,以後一定會乖乖等綠公仔才行喇。

2016年3月17日

2016年3月16日

免費服務


我最喜歡逛街市。有天去大埔買餸,去牛肉枱買牛肉時,老闆問我「點」食?我問佢有甚麼分別,佢話唔同食法就唔同切法,說這是免費服務。


聚一聚


今天約了幾位 blog 友,朋友見面,回英國的日子已經在倒數了。


2016年3月14日

味精


今日和家人下午茶,近近地就在樓下一間茶餐廳。佢地行遠D都唔得架!

我點了碗牛筋河。牛筋又唔淋,又無味⋯⋯

食完一陣,頭有點痛,口渇難受,我知一定是中左「味精毒」!唯一可以解決這個痛苦,就只有飲可樂!

呢間食店入左黑名單了!


盆菜


回來香港幾個星期了,隔天都有行街市,買餸煮飯,這是我的樂趣。

其實屋企人都是無飯家庭,有新鮮飯餸食,一定開心啦。但又怕我辛苦,更加怕我攪亂佢地個廚房,嘻嘻。

人多食的時候,便會打邊爐。前幾天便訂了盆菜,乾手淨腳!

這些預定盆菜,其實面果層好睇,中層便是肥豬肉,最底就是大大舊蘿蔔,唔係好抵食架,不過就很有氣氛


2016年3月12日

飲飲食食在中山


去了親戚在中山的渡假屋過了三天。
佢地早在十年前已經在那裡置業,這次邀請我們上去玩幾天。

我沒有買大陸電話卡,只夠親戚家的 wifi ,原來上唔到 FB and Google ,一般新聞網又行得慢。睇香港的電視節目,包括新聞,就算用機頂盒,含重要性的報導,都會無端端彈出大陸廣告。

雖然親戚們不斷遊說老 dad 買一層玩下,但老 dad 第一時間話他怕悶,不喜歡只是在那裡飲飲食食。


2016年3月9日

生鷄肉


在東京的時候,沒有什麼食壽司。

友人今日帶我食生鷄肉壽司,其實我都幾驚架,不過入口都OK ,唔似食緊肉。


2016年3月8日

下午茶


今日去深水埗買D林林沈沈電腦電話野。產品種類之多真係會睇到眼花。
在深水埗吃了公和的釀豆腐和原味豆漿。
之後落佐敦食下午茶,家人話想食片皮鴨,哈哈,you jump I jump 啦!

2016年3月7日

食足一日


東京回來,抖左兩日,
今天約了幾位朋友出來見見面。首先多謝金寶叔和金寶嫂出來和我飲早茶,仲要兩位老人家搵埋位開埋茶等我。你地話抵唔抵打?

2016年3月2日

東京之旅。第三天


第三天的行程只是買和食。有團友話要去睇景點喎,盡力啦。
每朝早也被酒店窗外日出吸引。