2016年8月31日

Car boot sale


星期日,很多英國人喜歡逛 car boot sales 二手市集,我家5 分鐘的車程有個好大型的,我好少去,因為,近十年已經變質,賣新貨品,而且又有很多模牌貨。

這個car boot 市集,遠少少 (Basildon),外面睇,嘩,泊滿車,以為好多野買,好多野睇,點知,係無嘅,好垃圾,舊過我要扔落垃圾桶果D

其實,如果好行的二手市集,真係會執到寶架,好似最近老DAD行個果,買到一張實木凳仔,一些花園工具。


2016年8月30日

有野食


我好少去一個小鎮寫三篇posts,因為想慢慢寫,唔係呃  like 架。

在 Leigh on Sea 火車站附近有間魚檔 Leigh Fishermans Co-op,價錢平,多選擇,夠新鮮,不經第三者入貨,是漁民直接送到這店賣的。不過那天我地剛到埗,有地方要去,費時買啦。

 

2016年8月28日

Leigh on Sea


早幾個星期,報紙介紹 Leigh on Sea為英國十大最快樂的小鎮 。快樂的原因,是這裡被一條長長的海岸包圍著。
地點離我家不遠,不過我也很快樂啊,但我住的區就只有一條河 ...........。


2016年8月26日

祝身體健康!


因為公司大 (管理6 間醫院),而我部門一向都唔夠人手,經過兩年 (!)的檢討,近年收到多撥款,有$請人。特別有兩位同事放產假,公司一口應承,照請返兩個人填空缺。

不過,部門中 (一個是我的下屬),有人成日玩放病假,有一人,一個月中,我只見過佢返工一天,這一天,係佢因為有醫院 appointment 所以回來睇病,順便返工,唔使請假。

尋日消假回來,坐到 11 點,打電話來話唔見左銀包,要去報案。你唔好呃我啦,英國打劫都唔洗去差館報案啦!之後就唔見左影!我上一級仲以為佢1 點前會回來。

今日一早又話病左又唔返工。可憐佢個拍檔,呢兩三個月只得佢一人辦公。因為早早就已經有兩三位同事這段時間放大假,所以真的安排唔到人手。可憐呀!

我自己個下屬都一樣,今日腳痛,聽日腰痛,後日個仔肚痛!總之,所有學校假期佢或佢個仔都會病!一病就病兩三個星期!唉!祝佢地身體健康!

這兩位大帝,因有工會照著,我地無人郁到佢,唉!唉!唉!

其他的個別人士唔返工,我都費事提喇。總之明天是long weekend,部門本應有11人當值的,今日只有5個人。



2016年8月25日

苦瓜汁


第一次買這種苦瓜, 好平, 只是 £1 就有幾條, 不過因為老DAD唔食苦瓜,所以十年都未再食苦瓜。

2016年8月24日

大西瓜


英國這幾天又有好天氣,30 度呢!只係兩日咋,聽日又降溫喇!
嘻嘻,英國人最鍾意用天氣來做開場白喇!


2016年8月23日

奧運溫情


奧運已經曲終人散,今年好似無往年(北京和倫敦)睇得投入,可能Rio 和英國的時差關係,各項比賽都係睇重播。

不過這次就感受到奧運溫情呢!

例如:女子5000公尺田徑預賽中,美國選手被前方摔倒的新西蘭選手絆倒。她迅速起身,但不是投入比賽,而是先將絆倒她的新西蘭選手扶起,倆人繼續比賽。

馬來西亞李宗偉贏了中國的林丹拿銀牌,但不驕傲,更稱沒有這麼強的對手,便沒有他今天的成績。

有位新加坡泳手 Joseph Scholing 贏了兒時偶像美國男飛魚 Michael Phelps, 100 米蝶泳決賽,以50秒39破奧運紀錄。

今屆出現了首支「難民奧運選手隊」出賽奧運。

又有幾對選手,公開求婚成功啦。

北京女排在12年後,再拿到金牌,這個是我睇今次奧運的最大滿足。


2016年8月22日

迷你 pizza


星期日,懶洋洋,瞓到自然醒,係一種福氣。

但係,我放假反而早起過返工,無計,可能本身是牛命一條。而且天生瞓得唔多,又不喜歡瞓晏覺。

2016年8月18日


唔知大家鍾意食稀粥或者杰粥? 

我自細鍾意食稀粥,家人成日都話稀粥唔夠飽喎。所以依家同老DAD住,我煲的是杰粥。 

點知有一日,老DAD話杰粥好糊口,佢鍾意稀D,自此我又可以煲返稀粥了。 

在英國,買油炸鬼唔方便,又唔好食。所以這裡的華人都會買這種 Yorkshire pudding 西人當油炸鬼食,味道幾似架。


2016年8月16日

2016年8月14日

Leysdown on Sea


星期六和老DAD去Leysdown on Sea,佢叫左我幾次喇,唔係因為那裡地方特別靚,只係佢另有目的。


2016年8月12日

晨操


最近好想買部跑步機,嘻嘻,其實想買好耐。因為冬天咁凍唔想去公園跑。

見到友人買左部,佢買的是神級機,要幾千鎊,而我的budget 只是幾百鎊。

友人要說服我,叫我去不同運動中心試機,就會知道各有不同喇。所以由今朝開始,去左做一陣晨操先返工


2016年8月11日

2016年8月10日

免費


公司無端端派免費芝士比職員,但又無人要喎? 點解?點解?

大家有無睇奧運會呀,我星期日睇左女子體操,男子劍擊,女子雙人高台跳水。
不過我等睇1500 米男子自由泳,我想睇人做King。

2016年8月8日

嘉年華


星期六我地去到Broadstairs,第一件事就是先醫肚,因為遲左出門,又遇上公路多車,比預算多了半小時,然後搵車位又用左20分鐘,車泊得遠,不過是免費的 !(開心)


2016年8月7日

Broadstairs


星期六好天氣,梗係要去海灘啦。今次唔去南部,去自己地頭啦。Kent 的天氣特別好,陽光特別多。 

2016年8月5日

半個鐘頭有得食


這兩個月,工作忙,人手缺。 放左工都好攰啦! 平日的晚餐都係兩個餸, 不過星期五就更加簡單,試過好多次炒麵就一餐,最多週末食好D囉。

呢餐都係快餐,牛肉煮豆仔,冬菜蒸黃立䱽,粟米蛋花湯。

半個鐘頭有得食喇!哈哈,最緊要開足四個爐頭!


2016年8月3日

菠蘿包


我表妹返左香港放暑假,順道去沙巴渡假,點知在香港時遇上8號颱風,幾經轉接,花了超過 24 小時才由香港飛到目的地。
見到他們一家在沙巴旅遊的相片,總算開心喇。


2016年8月2日

午餐


公司附近開了一間餐廳,同事試過後大推。剛剛有朋友來這兒上堂,我就即刻約佢去試試新餐廳啦。


2016年8月1日

青檸檬雪芳


當要清雞蛋時,最好就是做雪芳蛋糕喇。因為要做兩個 17 cm 的雪芳蛋糕,就要用上8 隻蛋了。青檸的味道比普通檸檬味道更加 sharp,好醒神呀!