2016年8月26日

祝身體健康!


因為公司大 (管理6 間醫院),而我部門一向都唔夠人手,經過兩年 (!)的檢討,近年收到多撥款,有$請人。特別有兩位同事放產假,公司一口應承,照請返兩個人填空缺。

不過,部門中 (一個是我的下屬),有人成日玩放病假,有一人,一個月中,我只見過佢返工一天,這一天,係佢因為有醫院 appointment 所以回來睇病,順便返工,唔使請假。

尋日消假回來,坐到 11 點,打電話來話唔見左銀包,要去報案。你唔好呃我啦,英國打劫都唔洗去差館報案啦!之後就唔見左影!我上一級仲以為佢1 點前會回來。

今日一早又話病左又唔返工。可憐佢個拍檔,呢兩三個月只得佢一人辦公。因為早早就已經有兩三位同事這段時間放大假,所以真的安排唔到人手。可憐呀!

我自己個下屬都一樣,今日腳痛,聽日腰痛,後日個仔肚痛!總之,所有學校假期佢或佢個仔都會病!一病就病兩三個星期!唉!祝佢地身體健康!

這兩位大帝,因有工會照著,我地無人郁到佢,唉!唉!唉!

其他的個別人士唔返工,我都費事提喇。總之明天是long weekend,部門本應有11人當值的,今日只有5個人。






PS: 大家小心呀, 在這裡很容易被人偷相的。記得在相片加標籤或註明呀。


33 則留言 :

  1. 有D地方勞工真係被剝削, 不可否認
    不過呢邊D工會有時可恨, 勢力大之餘, 仲要貪得無厭啦, 好似 Air France 機師人工已經係歐洲數一數二, 仲要時有罷工, 間公司就係咁蝕錢, 佢地從無諗 AF 已經無咩競爭力, 有日執左, 大家就可以抖下, 唔好怨人

    回覆刪除
    回覆
    1. 我地部門,在醫院內都無競爭力,可有可無,經歷過裁員和cut budget,D人仲唔醒目,唉。

      刪除
  2. 回覆
    1. 呢幾個人好識玩放病假架,放下假,又返一日兩日,所以糧係照出架。

      刪除
  3. 好多人濫用呢啲福利。

    回覆刪除
  4. 我哋公司有規定連放3日病假要有醫生紙,我以為我以前個同事星期一,二請病假,星期三返半日再放埋餘下嘅兩日半唔駛攞醫生紙已算誇張,原來同妳嗰度比,真係濕濕碎呀!

    回覆刪除
    回覆
    1. 英國好D, 首7日自簽,之後經家庭醫生寫,但真的不難要一張假紙。

      刪除
  5. 這些人影響公司實在太自私同利用褔利

    回覆刪除
    回覆
    1. 這些人是利用緊制度的漏洞,玩放病假不是應有的福利呢。

      刪除
  6. 哦!咁都得架???同捉隻老鼠入米缸差不多!

    回覆刪除
  7. 成日話自己病,小心咒得自己多真係病左呀!

    回覆刪除
    回覆
    1. 佢地真係有睇醫生架,但骨痛,和心理病,外人睇唔出架。

      刪除
  8. 工會勢力過大,唔係好事,因為有人好自私,成日請假,有冇為同事著想呢。

    回覆刪除
  9. 如果係HK嘅話,11人只有5人返工而公司仍可營運,咁果6個病人可以炒得XXXD

    回覆刪除
    回覆
    1. 英國好保護打工仔架。要炒都要一兩年程序。如果炒錯,比人告要賠錢架。

      刪除
  10. 走精面嘅人,總以為自己好醒咁。

    回覆刪除
  11. 即係無論佢點,都唔炒得??

    回覆刪除
  12. 回覆
    1. 就係囉,有人申請左 5 次都入唔到來做,這幾個人就擺著唔肯走。

      刪除
  13. 唔係嘛?咁都炒唔到?香港唔駛撈

    回覆刪除
  14. 下..咁都得!!!
    有咁多病假架咩??真係好唔公平WO!!

    回覆刪除