2016年9月30日

燒雞


我有兩個冰櫃,一個用來放海味和煲湯料所以好少開。 
尋晚搵湯料,先發現這裡有兩隻春雞,一定係放肉的冰櫃滿額,放左過來,都應該有幾個月了(!?!)。 
我不浪費,即刻拿出來溶雪,做燒雞!

2016年9月29日

紅綠豆蓮子百合桃膠糖水


綠豆沙我就成日煲,紅豆沙就少D,因為需時耐呀。 

我都係鍾意先煲紅豆和陳皮,煲到紅豆將近爆開,就落蓮子和綠豆,最後落百合和桃膠, 黑糖最後落調味

嘩! 煲左幾個鐘,一人兩碗便食哂囉!

2016年9月28日

蛇王


今日返到公司,無端端被請去開會。公事完畢,偷偷地去剪個頭髮。 

最近公司的情況,3個 ''某李'',其中一個歸位。 將會被炒的繼續請病假,佢咁樣請病假法,我地都炒佢唔到。 

另一個 ''靚'' 仔,返來 4天,跟著又放4天,你話,係咪激C!呢兩個人 30歲都不到,年青人呀年青人!振作D啦!


2016年9月27日

2016 老DAD種植 - 番茄仔


老DAD自家種只剩左上年留落嚟,自生自滅的番茄仔一棵,不過長食長有。還有一棵牛茄,只得三個,食哂囉。 

2016年9月23日

清.... 雞蛋


見到這個情況,就知道是清雞蛋的時候。

唔係我買雞蛋買得多,因為有時我買左,親戚來我家時,又送雞蛋來,他們會說出一大堆理由硬要我地收下雞蛋。

這些是農場雞蛋,佢地特意去買,所以食唔哂就要用來做蛋糕囉。


2016年9月22日

£5


膠銀紙在香港已經有廿年啦,英國終於都有自己的 £5 膠銀錢喇。 尋日已經可以在銀行任攞換左一D比老DAD儲下。
正面是英女皇,背面是英國首相邱吉爾。


2016年9月19日

記錄


睇返這幾個星期買魚記錄,真係隔個星期都買大門鱔頭,賣魚勝會自動自覺留比我。 
其實我地買一次魚,食兩個星期都食唔哂。不過見到新鮮,佢地又老實,有時買多左,就送去比親朋好友。

2016年9月18日

擔泥


尋晚見到種菜泥減價,即刻落 order,今日收到message 就去拎。幸好這位店員樂意幫手抬上車,慳左不少氣力。下星期再去入貨!

2016年9月15日

BBQ


這兩個星期都未齊人返工架,不過兩個老闆已經歸位,有人照,心情都放鬆好多。

2016年9月14日

中秋節


循例都要同大家講聲中秋節快樂,其實我想大家日日都要快樂,生活愉快,日日寫 blog ,日日追blog。


2016年9月13日

解決



我都講過啦, 英國人好鍾意用天氣來打開話題呀。 新聞報導,說今天是英國一百年來 (1911) 最熱的九月喎。

我公司的3個 ''某李'',今日解決左一個喇(我的下屬),不過有3個月時間比佢搵工,轉工。 

今次多得我兩位上頭全力支持,還有 ''某李'' 的工會代表,這人兄睇事睇得通透,用5分鐘時間,叫這 ''某李'' 收手。 

今天的大會還有人事部代表 G。G帶齊數據分析來,原來阿 ''某李'',一年有120 天請病假! 今次佢可以在家長抖喇。

2016年9月12日

成績表


幾星期前,帶老DAD見家庭醫生,睇年檢的報告。今次見到老醫生,佢應該都有七十歲了。我地跟左佢廿幾年,平時好少見到佢真身,一係見佢個女,一係就其他part time 醫生。

難得見到老醫生,大家就傾多左,佢讚老DAD報告靚,膽固醇只有3.5(最高峰時有7架),當然,如果老DAD唔食炸魚薯條,個報告仲靚!其他的都係低過最低要求。 

老醫生當然都有讚我啦,佢話我照顧老DAD好好,我真係勁開心。

其實老DAD一星期跑四天 (如圖),午餐跟一樣以蔬菜為主,飯食半碗,但要天天有湯水。
日頭食得少,晚上要宵夜,鍾意食薯片,但一定要食一個蘋果一個甜柑仔。


2016年9月11日

冰皮月餅


幾年無整過冰皮月餅了,今年谷友介紹這個 video, 又幾易整,見到材料都有齊,就即刻開工啦。


2016年9月9日

Airfryer 沙甸魚


平時除了在家附近買魚,我公司附近都有個魚檔架,不過有幾何會從倫敦買魚返屋企。今日老DAD出倫敦,我叫佢在車站等我做交收,今晚有鮮魚食囉。


2016年9月7日

素湯


好耐無煲過素湯,因為早排天氣熱囉。今次有自己種的粟米芯,其實是長大不的粟米,又有紅頭菜。


2016年9月6日

Aldi


星期六去買餸,最近常去德超ALDI 和LIDL, 後者,在 town centre 已經有,行路行到去,ALDI 就要開車去

那天在這裡見到兩位左鄰右里,真係估唔到佢地會去廉價超市喎。

在這兩超市買餸,特別是食物,比其他大型超市平宜多,而且品質好因為店面細,貨去得快,好新鮮。


2016年9月5日

再食過


星期六,本來天文台話落雨架,所以咩都無plan,諗著買完餸返屋企玩煮飯仔。 
點知,一起身,又話有半天陽光喎。 所以提議再去Leigh on Sea 食晏。


2016年9月4日

緊張, 心急


今日一直為香港的投票日打氣 (鍵盤戰士,哈哈!),心情非常緊張,依家好心急睇賽果。 

到呢刻為止,中產區的太古城仍然有人在排隊投票,真的一票都不能少啊! 

終於有次係排隊為民主,唔係為感謝周呀,為買有炒價的物品!

網上圖片

2016年9月2日

早餐會


今朝公司急call 開早餐會,真係有得食架,仲食得好正,酒店的早餐呢!

今次公司有些刻意安排!大家都知道是為了振興士氣,因為這個星期仍然是那3個 「某李」放緊病假,3個放大假。

希望下星期會好D!