2017年12月21日

周年大會


今日前老闆 (即三個星期前的老闆)攪周年大會,各部門要報告業績,順便聯誼下。



2017年12月20日

好滿意


我依家先發現,原來馬莎的糧尾套餐  M&S meal deal,個個月尾都有。
雖然我每次都係買雞,但其實還有魚,素,牛扒,豬扒的選擇。揀齊4樣野,只係 £10 .......今次我揀了一隻大肥雞,一件 pizza,蘋果批,一支紅酒。



2017年12月19日

聖誕大餐


今年因為部門分家,無大頭請食聖誕大餐,我哋自己幾個同事約埋一齊食,都一樣開心。



2017年12月18日

2017年12月17日

聖誕市集


今年倫敦有7個大型聖誕市集。可惜無德國市集,唔知係咪 ''過江龍''成本高呢? 
我就揀左這個名為 Christmas by the River 市集顧名思義,就是靠在河邊的一個聖誕市集,這條河就是泰晤士河 River Thames



2017年12月15日

少食? 鍾意食?


一隻雞,我最鍾意食的就是雞胸肉,點整都得我可以煮到好滑架。其次就是雞翼,但因為我唔食雞皮,所以就少D食。
今次買到法國黃油雞翼,用鹽焗雞粉麻油醃,慢慢火煎,唔洗落油。

你哋又最鍾意食邊一部份呀? 我廿幾年前來到英國,見唔到超市有雞翼賣架,要食就要去唐人街買,好珍貴架。




2017年12月14日

小學徒


今年來我部門做學徒 Apprentic 的小女生,合約到期,今日最後一日喇,我哋同佢去食晏。 

這種學徒合約制的短期工作,在英國很普遍。很多學徒在合約完之後,很容易搵到長工,因為已經有實質工作經驗,對佢份履歷很有幫助。可惜我部門無錢請秘書職位,所以佢要再去搵工。




2017年12月12日

2017年12月11日

一模一樣


星期六同契媽買餸,午餐就食綠豆茶果。

之前 已經講過啦,老人家煮餸,無食譜,無份量,全憑經驗和感覺。就算逼佢,佢都答唔出。

這種綠豆茶果,用去殼綠豆,即係做糉的那種,先浸水,蒸軟,加調味(五香粉和鹽),和蔥花炒香。你睇,個個茶果只憑手感,外型都一模一樣的啊,犀利!




2017年12月10日

第一場雪


今日落第一場雪,心情興奮啦。好彩今日係星期日,唔洗返工,可以在暖暖的家欣賞雪景。



2017年12月8日

籌款


公司近日有很多籌款活動, 當然唔係為自己啦。每個活動都係為公司的 charity 而做,收到善款後,會用作醫學研究,提供同事進修,部門添置器材,等,名目都好多架。



2017年12月7日

動物園


仲有十幾日到聖誕節,我要買的聖誕禮物都已經準備得 7788, 因為近年我已閂水喉,唔熟唔使送,好親好熟話明唔好送來送去,大家心照。BB和老人家就比現金。同事可以送細細盒朱古力,老闆唔使送。所以負擔已減輕不少。



2017年12月6日

空運


朋友從香港回來,送我一條蓮藕 ,最好就是用來㷛湯。
我又無章魚,所以落蠔豉,多多栗子煲,啖湯夠哂甜啦。其實我在英國唔敢買蓮藕食,因為來貨似有很多防腐劑。




2017年12月5日

牛筋細蓉



今次的 牛筋 係用加拿大的雪藏貨,我記得之前都買過煮,話過以後唔買。因為一包份量超過 1 kg,又有點肥。點知! 又買過,一定當時在超市買買買,忘左型,盲左喇。

由生開始炆,煮下焗下都攪左幾個鐘,而且一份有 1 kg,我只係炆左一半咋。



2017年12月4日

唱聖詩


聖誕臨近,公司有很多搞作。上星期日有同事為部門籌款,玩聖誕競跑。今日就有同事和義工唱聖詩,在大堂唱完,就上病房唱。




2017年12月3日

蘿蔔糕


最近的白蘿蔔好靚,又圓又大又多汁。已經買來做炆餸,但我就最鍾意整蘿蔔糕。



2017年12月1日

大力士


老DAD今日搭英航飛香港 ''過冬'' 喇。今次老DAD帶左一個大喼,一個紅白藍,一個手提,一個背囊,你哋估下總共有幾多kg?

全部係佢至愛的手信,最多就是零食,今年無買牛扒喇,因為佢的至愛唔鍾意食。




2017年11月30日

以物換物

呢篇post 係儲埋幾個月來出架。這些都係鄰居,親朋好友送我哋的自家種蔬菜,大家有來有往

合掌瓜係朋友送的


2017年11月29日

轉會


今日由我請食晏,聖誕臨近,大家開心最緊要。我哋幾個鍾意呢間酒吧的炸雞包。



2017年11月28日

鹽焗雞


在中超買到法國走地雞,價錢比本地的平,但又比較好食。即係雞有雞味,皮爽肉嫩,雞骨都香。可惜唔係時時有得賣。



2017年11月27日

''皇'' 家喜事


今日英國頭條新聞,當然就是宣佈亨利王子皇室第五繼承人和女友結婚啦。

皇室表示,亨利王子是與女友於月初已在倫敦訂婚,婚禮將於明年春天舉行,婚後會住Kensington Palace 其中一間別墅。

網上圖片

2017年11月24日

降温


早兩日都有十幾度,今朝一下子降到得2 度,真係唔想出門返工呀!

朋友送來一盒 芋頭扣肉。

2017年11月23日

蛋撻


一連兩天在家焗了蛋撻。其實網上有很多整蛋撻的食譜。我比較過,大家都萬變不離其中。最重要係識睇火!


2017年11月20日

70


今天 (11月20日)是英女王和菲臘親王的結婚70周年紀念,即是白金婚啦。

網上圖片

2017年11月19日

50


今日無線金禧台慶,我覺得一間娛樂機構,能夠做到50 年,真不簡單,係一份香港情。

其實我細時,父母唔準我哋睇電視,特別係老DAD ''軍令如山''啦,所以有機會睇時,就真係 ''捕'' 著唔郁架。

網上圖片


2017年11月17日

三文魚頭


老DAD愛食魚,最愛食三文魚頭,我哋買的好平,50 p 一大個。
用易潔鑊,不用油,慢慢煎香,灑點魚露,酒,生抽,好香好食。今年去泰國,泰國人用魚露代替鹽,所以我依家煮海鮮就跟佢哋這個煮法。

2017年11月16日

同事


今日有同事完約要走 (我唔捨得佢,因為佢聰明又勤力,希望我部門有錢可以請返佢,可以留在我身邊)。 

2017年11月15日

古老酒吧


親戚家附近有間很古老的酒吧,我哋成日經過,但又好少幫襯,因為泊車麻煩,而且周邊又無咩商店行街街。



2017年11月14日

當歸


屋企有D 當歸 唔知點食。上網求其揾個食譜用來㷛湯,可惜睇錯食譜,一人份量,落一舊當歸,我煲一大煲又係落一舊,所以個湯無咩當歸香。




2017年11月13日

寶貝


阿E 個寶貝孫女, 8個月大,眼仔碌碌。不過我好少見佢,成日日頭都瞓左覺,一係 weekend 就出左街。



2017年11月12日

Remembrance Day


11月11日係 Remembrance Day 即係香港的和平紀念日。當日會有一些紀念活動。97 前,香港有假放架。



2017年11月10日

泰式綠咖哩


自從去過泰國清邁學過下煮泰菜,之後就覺得綠咖喱好好食。以前會覺得佢唔夠辣。依家又好鍾意那椰汁香。



2017年11月9日

懶人煮飯


有時我又可以好懶,煮個煲仔飯。

呢個係肉絲豆豉飯。肉絲醃好,米煮到有bubbles,落肉絲,加一大湯匙蒜蓉豆豉醬。飯熟就加少少豉油,閂火焗多5分鐘。香噴噴,又食到一大碗飯喇!




2017年11月8日

韓式炒粉絲


閒日我會正正經經煮飯。週末就會煮雜糧。在韓超買左粉絲,加D肉絲冬菇,多多蔬菜。



2017年11月6日

2017年11月5日

運動進度


今日要報告一下我的運動進度。 
雖然天氣已經凍喇,不過食飽飯都著夠衫,行一個鐘。 剛開始冬令時間自己有點不適應,見黑麻麻,有D驚(哈哈),頭幾日,行左去 town centre,仲行埋兩間大超市。 無帶錢,齋睇。之後有兩日,就埋銀包去行,點知又亂咁買,又浪費時間。
後來搵左一個很光猛又安全的路線,就繼續正正經經行囉。




2017年11月3日

木瓜雪耳湯



在街市買左個大木瓜, 放左兩日,切開嘩,
''實的的'',唔可以當生果食喎。 

食物唔浪費,用來煲湯啦。 
摷埋兩個舊蘋果,個雪耳,一份排骨,南北杏,蜜棗。

2017年10月31日

Halloween party


今晚哈佬喂,我照舊出去行做運動,但之後就去左鄰居的 party 一陣。因為時間早,人客不多,我又唔想留太耐,所以放低支酒,吹下水就走。



2017年10月30日

倫敦動漫節


星期六飲完茶,在餐廳附近個展覽館,剛剛有動漫節 Comic Con/ Cosplay,老DAD 八八掛,要去睇。不過我哋無可能入場啦,只有在核心的外圍襯熱鬧。



2017年10月29日

中超


星期六本來想去一個在南倫敦的 open market,但見到有塞車,又經過一間中超,我哋就入在中超買餸。
買左法國雞,之前出唐人街搵左幾次都無貨。魚新鮮又平。 菜就買多D,因為老DAD 花園收左爐。



2017年10月27日

教書日


今日係教書日,前幾日有D恐懼症,想縮沙添。真係有D ''無理頭'',突然覺得自己唔夠料教人。

2017年10月26日

肉眼扒


尋日阿E通知,德超 Lidl 今日有 21 days dry-aged Ribeye on bone 賣,仲話係來貨有限。所以今朝早D出門返工,突登去左買餸先。

其實這個價錢 (£14.99/ kg) 真係好抵食,根本就是 T骨扒,但就切走唔值錢的西冷,留下肥美的肉眼。難怪一早已經無貨。




2017年10月25日

2017年10月24日

炒河粉


公司附近一間有名大學,一向都多中國人讀。最近幾年,這裡開了很多東南亞餐廳,超市。

2017年10月23日

2017 老DAD自家種 - 番茄,中芹,南瓜


老DAD花園都收爐喇,還有很多西洋菜,韭菜和紅菜頭。
佢每年都有種少少番茄,因為我唔食,佢又唔食生的,所以無心機種。




2017年10月22日

星期六


星期六同老DAD去買餸,買手信,本來諗著睇下,到差不多返去先買,老DAD話,平就買定先,哈哈,結果買到四隻手都拎唔哂。




2017年10月20日

午餐



今日係星期五,係食炸魚薯條日 (Fish and Chips),我和同事好耐無食過公司餐廳的午餐。

2017年10月19日

冬季病人餐


公司出左冬季病人餐,叫我哋去試食寫報告。講真,我做咁多年,年年都去試食,年年都比心機寫食評,佢哋咪又係照出D難食餐。 

2017年10月18日

黑猩猩 Mama


今日我被呢條片,觸動了神經呀......

荷蘭動物園一隻59歲垂死的黑猩猩Mama,因病情日漸嚴重,拒絕進食。當 Professor Jan van Hooff 與 Mama 見最後一面,她意識到這是一位相識40年的老朋友來訪時,立刻真情流露,他們的親親令我超感動。

2017年10月17日

自製鹵水豬脷


有日在唐人街買到新鮮豬脷,老DAD都話要買,平時佢會話有膽固醇,唔主長買,今次係例外。



2017年10月16日

紅葉片片


香港打完8號風球,輪到英國打風喇。今次呢個係hurricane 名字叫 ophelia。最受影響就是愛爾蘭。

雖然這個風唔係在正南部,不過都係一個強風呀今晚飯後去做運動,都吹到頭疼。