2017年2月28日

買魚 @ 28/2/2017


今朝約左同是在英國回港的谷友見面食早餐,大家第一次見,又可以傾兩個鐘,講下呢幾十年在外面的生活囉。 之後一齊去買送,呢位谷友好熟魚類的,我地行左一個圈就買了一份海魚仔,名字我已經忘記了。 


2017年2月26日

2017年2月23日

Bagel 烘底


公司附近的地鐵站最近搬左,周邊變哂,好 upmarket,開了很多食店,當然對已在這裡開了多年的餐廳有D壓力啦。


2017年2月22日

核心價值


法治是現今香港人僅有和唯一可以獨立運作兼信任的最後一道牆,係香港嘅核心價值,如果連這都不再去保護的話,那真的很可悲。

身為執法人員,知法犯法,如果不認同司法制度, 就無資格做執法人員。

黑白分明嘅事,將佢本末倒置,癲倒是非,犯錯嘅人得到支持,守護公義嘅,就遭人辱罵,法治公義,不斷受到呢D人去冲擊,其中不乏知名人事,而呢D人亦越求越多,長此落去,恐怕連香港嘅核心價值都會受到改變 !

網上圖片

2017年2月21日

2017年2月20日

又到講故仔時間喇


話說聖誕節前,訂左個 iPhone 7 plus,因為經自己公司訂,要等一個月,無辦法啦,員工有特別優惠,唯有等啦。 

此時,用緊的 iPhone 6 好似神神地,係個電磁問題囉,好似消化得好快。 在蘋果預約檢查,希望整好就比老DAD用,佢話佢個 iPhone 5 行得好慢喎

開始時,蘋果職員話要收我 £70,換個全新的比我, 我仲以為自己聽錯添我即時 ''𦧲飯應'' 啦,咁抵,起碼又可以再玩兩年嘛。正要比錢之時,個職員㩒兩㩒佢部 iPad 又話唔使錢喎,仲好唔好意思咁。你話係咪又賺左吖。


2017年2月19日

紅豆包


整開又再整,今次整紅豆包。因為用了黃糖搓包皮,這次的包包有微黃色,有點失策!



2017年2月16日

2017年2月15日

2017年2月14日

有花收


每年情人節,同事們都會送花比,算是感恩吧。前年開始,提議佢地唔好再花錢玩這種玩意喇,不如買點吃的,大家可以分享呀。


2017年2月13日

新紮師兄1988


最近有呢套電視劇上,我一點印象都無喎,放上FB 問下大神,迷底終於解開。
原來我當時已經去左英國。而且呢套劇都唔好睇,所有無人會提起。



PS:大家小心呀!這裡很容易被人偷相架。最好在相片加入標籤或說明呀!


2017年2月12日

情人節


做香港人真好,可慶祝元宵節,又可以慶祝情人節。我,除了鍾意聖誕節,就算自己生日都唔慶祝。


2017年2月10日

最細


今日同事帶左佢的初生B回來探班,這個已經係2016 年中,在我部門出世的第四個B喇。

三個B女,一個男孫B。這個小公主就最細喇,剛剛3個月大。


2017年2月9日

酵素


自從2012 年開始學做水果酵素!不停都有做。 這個是 2017 第一瓶!奇異果檸檬蜜糖酵素。


2017年2月8日

美少女


大家好耐無見過美女小廚神喇,依家佢已經升左呢,做左 ''美少女''。 

父母為了保護佢私隱,已經嚴打公開女兒的相片。呢張係偷拍架,哈哈。 

美少女已經升上一間出色的中學,返學自己搭火車出城。烹飪興趣仍然濃厚,在舞蹈學習上,佢係皇家芭蕾舞團團員,每季都要去集訓; 拉小提琴也成日有公開表演。

呢個女,真係好乖,從不令父母擔心,有獨立思想,對自己有要求,不過我地怕佢過份緊張,有壓力,唔能夠享受童年生活囉。真係針無兩頭利呀。


2017年2月7日

香港人店


今日收工去剪頭髮,不是我去開的韓國人店。今次去返以前試過的香港人店。

我由髮型師渣主意,任佢剪。 

剪兩剪,佢開始發口痕,話我:

1/ 你個髮線好高喎
2/ 頭頂無乜頭髮喎
3/ 額角無頭髪喎

嘩,真係比佢踩到盡呀!我無嬲,無黑面! 我仲會繼續去添,因為佢剪得好,又有心機,又唔 sell 野。唯一缺點就係附近無得泊車,又要預約囉!


2017年2月6日

65年


今天是英女王登基65周年,藍寶石禧年(Sapphire Jubilee)。 這張是官方發布的照片,報導說是在 2014 年拍。衣飾顏色很配合,配戴的耳環及項鍊,都是藍寶石鑲製,是她大婚時父親所贈的嫁妝呢,好有意義啊!

By the way,  今天係無假放架! 

網上圖片

2017年2月5日

一圍檯


老DAD的朋友,一年一度的聚舊,因為老DAD已經返左香港,所以今晚,我代父從軍,同班長輩食餐飯。


2017年2月3日

Friday


落左成個星期雨,今朝有藍天白雲。不過依家寫緊blog又再落過,仲係橫風橫雨果隻囉。


2017年2月2日

2017年2月1日

貴菜


最近英國的蔬菜價格勁貴,星期三見到玻璃生菜 iceberg 賣 79 pence 一個,星期日會漲到 £1.29,有無攪錯?

我覺得玻璃生菜無味,少食,夏天做沙律時,可以勉強食D。

上星期,新聞話翠玉瓜 Courgette 菠菜spinach,番茄,燈籠椒西蘭花都短缺,因為西班牙和意大利天氣差,貨源少了。

其實還有很多其他選擇呢, 我就食 green和 cabbage, 真係又好食,又有營養。 就算中國入口的芥蘭,亦沒有因為過年而賣得貴,跟平時一樣 £ 8-9/ kg。