2017年3月31日

2017年3月30日

同學仔 @21/3/2017 and @今日


今次返香港,最大得著,除了去左兩個 trips,更難得就係搵返中學同學仔。 之前沒有努力搵過,而且又各散東西。 我哋那些年又唔興用 email 。 

好慶幸,在 FB 找到一個同學仔,之後就聯絡了好幾個,佢地有D還有聯絡。

我地約左22 號在旺角的 ''正宗水上人氣鍋專門店'' 食飯。

雖然我地廿幾年無見過面,但一見到面,D回憶又全部返哂嚟,一餐飯不停講返讀書時的點滴,好開心呢。

2017年3月29日

2017年3月28日

金寶叔 @ 27/3/2017


和金寶叔這位長輩 blog 友的緣份好奇妙嘅。佢時時都問候我,關心我。 我返香港一定會約佢飲茶,見個面。今年唔約都遇到, Amazing!


2017年3月27日

感謝


這個4日3夜的台北遊,多謝  blog 友雀后陪我食,陪我行。這個旅程係好無端端咁 book 左,又有個義無反顧的人一口答應與我同行,而且,大家有商有量,分工合作,下年去邊呢?


2017年3月26日

2017年 3 月 26 日


''佢'' 贏係奇跡,輸係應該預左。從來無希望過就唔會失望!

大家不應因選舉結果而失望,「呢個夢要繼續發落去,直至有一日成真。」


網上圖片

2017年3月21日

尖沙咀


今日又係約左舊同學食早餐。太興的 ABC 餐真的不錯。

食完要出尖沙咀兌換$,又要幫阿E去龍城買野。難得舊同學肯陪我,唔使一個人戇居居⋯⋯。


2017年3月20日

ABC 餐


其實我無特別鍾意食香港茶餐廳的 ABC 餐。不過每次返到香港又會貪得意去食一次。

以前我的早餐係⋯⋯腸粉加幾粒魚肉燒賣再加一包維他檸檬茶 375!

真係日日食都唔厭架!



2017年3月19日

煮飯


雀后送左家鄉甜梅菜比我,又教埋我買豬肉。我終於整到一次老DAD 都話好食的梅菜蒸豬肉, yeah! 


2017年3月18日

雀后 @17/3/2017


約左雀后見面, 今日我介紹佢食朱兆記的鹹雞牛腩撈麵。
其實我邊有咁叻,只係睇人地個FB介紹過,所以一心就回來試一試囉。


2017年3月16日

炒蟹


我好 enjoy 行街市買餸煮飯。 今晚好想食炒蟹,又平又新鮮。

屋企人有個煮海鮮的小tip,就係切忌落鹽,用少少蠔油提升鮮味就可以了。


2017年3月15日

世記炸豬扒麵


原來我早兩日食果間炸豬扒麵叫 「東記」,即刻改正。今日再去大埔街市買餸至睇清楚,好彩無寫衰野。

今日東記無開,又食番 「世記」。我自己鍾意食「世記」的幼麵加筍絲。


2017年3月14日

混吉


每朝落街去剪頭髪,點知個髮型師例休。明天請早囉⋯⋯跟著一個人食早餐。
碗粥好綿,但條油炸鬼好老好靱。


2017年3月13日

東記炸豬扒


今日約左同學入大埔買餸。 我地先食個午餐,今次選東記炸豬扒, 我地點豬扒雞翼併炸得脆卜卜,好過上年食果間。


2017年3月12日

奀奀瘦瘦


果晚食完隻乳豬,攞左個頭和腳仔來煲粥。
食粥又諗住食麵喎,跟手又煎左韭菜餃子。



2017年3月10日

EE @ 9/3/2017


今朝入西貢和 blog 友相聚。
我特別鍾意西貢的空氣,清清的,地方靜靜的。 
EE 介紹的布拉腸粉,真係好滑。柴魚花生粥的花生是出奇的好淋。


2017年3月9日

感謝文


我每次去完旅遊,都會寫幾隻字感謝一下我的團友架。尋晚,比隻「豬」罷左個位。嘻嘻⋯⋯


2017年3月8日

為食豬


今晚同家人食飯,如果要在外面食,每次一定有三份一人反對,包括老 dad 。因為呢幾個人認為在家吃,可以吃到真味道,好材料。



2017年3月6日

清邁第六天


今朝我地跟團上海拔一千六百幾公尺的素帖寺,又名雙龍寺。

沿途都是彎彎曲曲的山路,山上空氣稀薄,我都感到有點頭痛。不過那裡很有靈氣,很平和。


2017年3月4日

清邁第四天


今早食完早餐,便叫車去瓦洛落市場,是本地人的街市。但也會吸引遊客,我地在那裡買了很多乾貨做手信。



2017年3月3日

清邁第三天


今早約左在清邁廚房學煮泰國菜,4個人,一人一爐,共煮了 16 個不同菜式,芒果糯米飯,和泰式奶茶。



2017年3月2日