2017年5月31日

2017年5月30日

熱氣


放左個長週末,天氣雖然麻麻,都算唔錯。 今年端午節突然唔想食糉,阿E包比我的多豆糉,我都推三推四未去攞,而契媽就搵人送過來,唔接唔得。


2017年5月26日

超標


公司電腦已經好番哂啦。真係多謝IT部同事的幫忙。
呢排因為在公司無咩做,一星期食左三餐外食。

今日仲誇張,因為要出去開會,順便去左買甜品。唉...... 就算一日行十萬步都無用,一舖就清哂袋啦。


2017年5月24日

''排毒''


昨晚,英國的防恐界別已經升至最高級的緊張狀況。由軍人及特警巡邏主要英國地標。總之人心惶惶,就是個別地區的購物中心都要搜身才可以進入。而香港在今天黃昏,也出了旅遊黃色級別嘅外遊警示。


2017年5月23日

曼徹斯特


英國Manchester 曼徹斯特 尋晚有爆炸事件,現在確定是ISIS恐怖襲擊,目標是年青人。

網上圖片

2017年5月22日

牛扒餐


好耐無去過Flaming Grill 食牛扒喇。今晚約左朋友食晚飯。 這酒吧真係好生意,閒日都要等檯,我地以為會少D客呢。


2017年5月21日

Broadway Market


一位新來的同事,介紹我這個在倫敦的星期六市集 Broadway Market。之前都有所聞,因為這裡有一間越南餐廳很有名,可惜當天找不到。


2017年5月18日

2017年5月17日

無助


因為電腦被黑客入侵影響, 等到第三日,今日終於有電腦同事來整電腦。 一人整一部電腦,陣容鼎盛。
滿心歡喜啦,以為好快有電腦用。點知 IT 同事話全部中左毒,無得整,再等消息,最快下星期一先有結果。
上層開始叫人義務放大假,或者到病房幫手做妹仔,無謂浪費時間喎。


2017年5月16日

2017 老DAD種植 - 開鑼

其實種菜絕對不簡單架, 老DAD 做了一個月鬆泥翻土,養苗。 四月的天氣又不好,養的菜苗又香左。

2017年5月15日

齋坐


因為電腦仲未可以運作,今日返工真係齋坐。早上巡過自己負責的幾個部門,見下D主管,溝通下就無野做。當然我有幫手聽下電話,遇上病人及其家屬有唔明的,都會慢慢解答,幸好,他們都很理解。


2017年5月12日

黑客


今日公司的電腦系統被黑客入浸,其實唔止我地,係全國最少有40 間醫院受影響,好大件事架。所有門診,手術要即刻取消,簡直係服務癱緩。

正值選舉時候,很有政治陰謀囉!邊個揹鑊呢

坐左半天,早收工。


2017年5月11日

日式香蕉朱古力蛋糕


其實呢個蛋糕,係 ''廚餘'' 蛋糕,材料都係掉又可惜,唔掉又唔想食過D囉。

兔仔係同事送我的復活節朱古力,麵包邊我食嘅,不過一條麵包,底面兩塊呢,就麻麻地喇。


2017年5月9日

食野


之前公司那三個 ''某李'' 事件,草草解決了。

依家有一個做 part time 的在玩野。一時說 : 家中三個仔輪著病,然後又家屬有人去世,當日缺席;跟著又話要請 三星期 no pay leave 陪父母返鄉下。哎呀! 請個 part time 回來都係想幫輕下大家,點知呢個人幫不到忙,而佢的請假,加重大家負擔呢!


2017年5月8日

「依家」


有日,老DAD話要去ikea 買家品!

去到,首先要醫肚,我一定要食肉丸,老DAD都話好架,點知我去到counter,改變了主意,幫佢點了一份炸魚薯條。又一次中伏呀,原來之前寫post 都話唔再食這裡的炸魚,因為肉質係爛溶溶架。蠢左一次又唔記得左呢!


2017年5月7日

北美 blog 友


Blog 友 ''海豚兒'' 由北美來 英國玩,可惜當時我忙經理離職的事,沒有一盡地主之誼。好彩,佢地以前都來過英國,而且都係有經驗的旅遊人。


2017年5月5日

£5


大家摷下籠底,錢罌,仲有無這種舊 £5 紙呀,今天係最後在市面停用喇。我在一堆利是搵到少少,夠買一餐餸啊!


2017年5月4日

誤傳


尋晚半夜,有突發新聞,傳英國皇室半夜召開緊急會議,更傳是英女王老公菲臘親王 ''香左'' 。

我一睇都知唔係啦,當天佢出席公開活動非常精神奕奕,而且有這樣的消息都唔會由法國果邊傳去香港先啦。我再查查BBC,又無報導喎,所以八掛一陣,都瞓返囉。

今次真係有內鬼啦!

這位在英女王背後的丈夫,默默支持了女王 70 年,係時候要退休喇。


2017年5月3日

大件夾抵食


自從馬莎久不久有這個 £10 套餐,真係好期待架。 特別喺糧尾 .......

套餐包括有頭盤,正餐,甜品和酒水。而且每個餐都有多款不同選擇,包括有素食。我地次次揀焗雞,因為真係大件夾抵食,呢隻大肥雞,有1.7 kg,已經 £7.80,你話抵唔抵吖? 

今次我地無揀酒類,反而選了檸檬香茅汽水(打孖上),好清新!肥雞又係新推出的味道,檸檬和百里香,整個配搭實在太完美喇!