2018年12月23日


這兩天好忙呀,焗左兩日蛋糕。 尋日幫契媽焗檸檬雪芳蛋糕。 今日幫阿E焗朱古力雪芳蛋糕



2018年12月20日

2018年12月19日

無興趣


這個星期,公司的餐廳賣聖誕午餐,有頭盤,主菜和甜品。不過賣得唔平喎,要 £14.99 一個人。而且我哋知,這個餐廳的食材,全部都係冰貨 (frozen food),我就無興趣喇。



2018年12月16日

海豚兒


北美 blog 友海豚兒又來 英國玩喇。 尋晚我哋約在 Jamie Oliver's Fifteen 食晚飯。 本來計劃去行聖誕市場嘅,不過天氣不似預期,大風,大雨,又好凍。 



2018年12月13日

聖誕禮物包


這兩天收到商業機構的聖誕禮物包 Hamper 。這一份是美容護膚品店送的。有 cream ,有香水,洗頭水等。



2018年12月12日

義賣


聖誕節期間,一如以往,有很多為醫院籌款的活動。因為英國人很喜歡在這節日,為社會做多少少;又有病人,或其家屬,特意捐款來答謝醫院。



2018年12月9日

乾鮑


阿E返香港買了一斤迷你乾送來比我。 我好懶整,因為以前煮過,好難先煮得淋和入味。 

佢叫老DAD返去再幫佢買。 既然係咁,我將佢買比我個斤送返比佢。


2018年12月7日

''到會''


這個星期,公司有部門請我哋食餐。第一餐,有大老闆請食到會,雖然不外乎食pizza,炸雞,漢堡包之類,及cocktail 小食。但就一邊食,一邊補及,總之食完就走,讓位比跟著來的同事,好熱鬧。



2018年12月5日

味噌煎蝦碌


我唔叻做D細微野,個性粗枝大葉,所以煮大鑊飯會叻過煮小炒。

今晚可以將大蝦剝殼,挑埋腸,用鹽粟粉醃一醃,煎兩面。然後加燒酒,味噌,水,煮一煮就食得喇。

平時真係好少煮呢D架,哈哈!





2018年12月4日

2018年12月3日

教書日


每個月的教書日,愈做愈輕鬆,已經不用做預備功夫。因為次次都講同一樣野,哈哈。

但case study就是 open 的,因個別例子,跟大家討論下。

今次學員提到最近有一住院病人,有妄想症,話做完手術後,左右膊頭有高低。其實佢跟本無做過膊頭手術,係因其他病症入院。總之在病房日日夜夜吵吵鬧鬧,又唔趕得佢出院喎。 醫護們都比佢激C。




2018年12月2日

兩手fing fing


老DAD今日返香港放假喇。

今次地勤靚女,比佢個手提行李都寄埋倉,老DAD可以兩手fing fing 上機。不過今次佢鍾意坐的 ''大鳥'' A380,因機件故障,換了架 波音 777。

同往年一樣,佢搬左一間迷你士多返去。



2018年11月29日

Smoked Kippers


契媽介紹我買西人 咸魚 Smoked Kippers(煙燻) 佢話煎香好食。我信佢,因為佢都係食家。



2018年11月27日

關愛座


英國的交通工具,跟香港一樣,都設有關愛座。

我每天上下班搭火車地鐵,見到乘客們都很禮讓,從沒有問題。

有時候,見車箱擠迫 ,一些有需要人士沒被注意到,其他好心人會温馨提示要讓座。

2018年11月26日

晴天霹靂


尋日有一單有趣的新聞。

香港賣的廚師腸生產商,因申請破產,將會停售。這件事對香港人晴天霹靂,在網上不斷重複分享。

我細時有食這個腸,不過不是甚麼 ''唔食唔得'',更不是甚麼 ''童年回憶''。

市面根本還有很多選擇。

網上圖片

2018年11月25日

一個月


今天是 11 月 25 日,仲有一個月就係 我最愛的聖誕節喇。
由上個週末起,大小商場都人頭湧湧,我都準備得七七八八。
星期五的 Black Friday (23/11) 我無收穫,一來我無電子科技產品要買,二來,英國都唔興 Black Friday 嘅,呢個美式購物籍口,唔知幾時吹左嚟英國。




2018年11月22日

湯水


香港人習慣要有湯水,覺得湯水滋潤養生。 雖然英國這裡的營養師唔贊成我哋飲老火湯,不過我戒唔甩喇。



2018年11月21日

唔同價


有日同老 dad 去買風褸,去慣果間分店無佢的尺碼,但電腦 check 到,反而在我家附近的有,店員幫我留,第日去買。



2018年11月20日

早餐


大家有無食早餐的習慣?

我一定會食早餐⋯⋯粥粉麵飯做早餐都得。但在英國就難D做到。

我太早又食唔落,最好時間就係返到公司,坐定,開埋電腦就去煮咖啡。有時候食燕麥片。 

2018年11月18日

2018年11月16日

圍爐


今晚早收工,約左去朋友家打邊爐,好溫暖呀!我乜都唔洗做,埋位有得食!

朋友話提早聖誕聚會喎。其實大家圍埋一齊食一餐,有講有笑就感覺幸福了!





2018年11月15日

勇氣


依家下午4點已經天黑,晚上做運動,又凍又黑,真係要好大勇氣架,哈哈!

不過weekends 都會襯日光下行,吸收新鮮空氣,又可以在公園和路人 ''甲乙丙'' 傾下計。



2018年11月14日

''唔該哂,係咁先''


今日幫同事聽佢病人的電話。

在電話通話快要完結時,病人問我個名,當然快快報上啦。 然後,佢又問我個姓,再問我從那裡來。

其實,我個名,我個姓都唔似香港人囉。不過聽聲,當然知道我的英語,有香港人口音吧!

佢喜歡問到篤,我無所謂,因為對方把聲都很溫柔,而且問得很客氣。

2018年11月11日

Remembrance Day


11月11日係 Remembrance Day 即係香港的和平紀念日。每年11月嘅第二個星期日,會有一些紀念活動。
今天是第一次世界大戰結束100周年,意義更加重大!



2018年11月8日

打斧頭


我唔係打斧頭呀,不過見到西超有斧頭豬扒 (tomahawk‬),又配埋有日本味噌醃料,新出品喎,梗係要買啦。



2018年11月7日

本地牛筋


炆牛筋是我至愛。以前在香港好鍾意食牛筋米粉。過左英國,無得食。到有得食,又覺得貴夾唔好食,一來味道同香港唔同,而且很多油。所以在倫敦唐人街,都唔會去粉麵店食。



2018年11月6日

八八掛掛


今日下午茶時間,大家坐埋一檯八八掛掛。

最近我的姊妹部門,請了兩個新人。 

二人都很有學問,一位是博士生,一位是MBA呢。 我知,依家有MBA學位不是難事,但我無呀,真羨慕很用功讀書的人。

2018年11月4日

2018年10月31日

Halloween 2018


一年一度 Halloween 哈佬喂 Trick Or Treat?

公司把這個玩意變成籌款活動。

下午有義賣蛋糕,同事很樂意參加,我地又開心買到 homemade 蛋糕食。



2018年10月26日

兩聲咳


老 dad on and off 咳左幾個星期,睇醫生食咳藥水都唔斷尾。我都成日㷛潤肺湯水比佢,又飲埋 Manuka 蜜糖。總之仲有少少少少兩聲咳。

網上圖片

2018年10月25日

公事


有一段時間無講公事了。

我部門自從 6 月起,連炒二人,到依家都未填補空缺。唔係無錢請人,我地已經請過人,不過又係D玩野王,一星期請兩日假,遲到早退,又有情緒問題。我地今次精喇,快快趣趣請佢走。

2018年10月23日

魚生壽司


我近年已經少食魚生了,就算去到日本,我的團友興致勃勃日本 築地食魚生飯,我都忍到口。



2018年10月21日

香蕉合桃蛋糕


我因為懶,又貪方便,成日整香蕉蛋糕 banana muffin。自己食唔厭,個老DAD,朋友,同事已經唔多 like喇。