2018年1月31日

一個人


自從老DAD返左香港,我都無正經煮過餐飯。 通常會去左親朋好友屋企食,或者佢哋煮好送外賣來。無得食時,就煮個麵,正! 

今日燒左半隻雞,可以食兩餐。




2018年1月29日

利是封


在西超見到賣利是封,才醒起就快農曆新年  (2月16日)。
唔掛得最近FB的煮食谷,日日有人post 蒸糕相啦,我以為因為蘿蔔賣得平咋。




2018年1月28日

破財


尋晚同朋友出倫敦打邊爐,過了一個開心愉快的晚上。
點知去停車場攞車時,發現左邊鏡比人整爛左,要破財了。


2018年1月26日

牛油果



唔知大家鍾唔鍾意食牛油果呢? 我鍾意食,但唔係成日買到靚,因為試過買到 ''生水'' 的,''吽'' 極都唔熟,即係要掉啦,好浪費。


2018年1月24日

陪客


接近農曆新年,有很多親朋好友返香港過節。佢哋做生意嘅,所以買手信都好闊綽,一人送一份銀包/手袋仔,又有化妝品套裝。仲要買有牌子的,所以要去outlet 買,比出面平一半價錢。



2018年1月23日

泡菜年糕


尋晚寫blog話落雪花,哈,呢兩日又暖到有雙位數喎。

在冰櫃摷下摷下,有一包韓國年糕,係早前在韓超買的。為左消滅佢,又去買左包泡菜,做個無肉炒年糕。




2018年1月22日

高卡


天氣凍,剛剛過的 weekend 仲有落細細雪花添。

食極都唔飽,早餐食到晚餐都係高卡食物,唉!點減肥呀!

今朝用法國牛油包 brioche 做西多士,加牛油多多花生醬,好好味架,哈哈!




2018年1月19日

王冠 2


the Crown 第二季已經出場喇,我暫時睇左幾集,是原班人馬演出。
女主角Claire Foy 因拍此網劇而得到金球獎視后。今季是講英女王登基後的第一個十年,有女王同王夫的感情問題,原來佢哋都曾經有過離婚危機,只是女王唔肯。

當經歷過之後,佢哋決定再要多幾個孩子。

網上圖片

2018年1月18日

2018年1月17日

回復正常


大節過後,英國人的生活已經回復正常喇。 依家朝朝都要衝衝衝先入到火車地鐵。 工作都回復往日的忙碌,咁啱又少左一個人。工作量明顯多左,放工後成個人都散哂呀。 

只有食甜品安慰自己!




2018年1月16日

Leaving do


上星期五,有同事轉職,所以大家食午餐 say bye bye。我希望呢位同事可轉到長工,一年後唔洗返來,因為佢工作認真又聰明。




2018年1月15日

藍莓蛋糕 Blueberries muffin


今日去咖啡店飲咖啡,當然會叫一件餅伴食啦,原來依家一件 muffin 要 £1.60, 細細件,我覺得好貴喎。
大細跟我自己整的一樣。



2018年1月14日

分享


週末可以日光日白做運動,有天在途中見到黃昏美景,停了車,入去公園行一陣都好。



2018年1月12日

紫色餃子


尋日打邊爐,我幫手包紫色椰菜餃子。 
本來想搵老表幫我做手搓皮, 點知叫極佢都唔幫手搓粉。 唯有用現成皮,佢屋企真係咩都有。




2018年1月11日

打邊爐


阿E病好番,請我哋打邊爐,佢話因為佢病,令大家擔心,又多謝我哋的慰問。 
大家嘻嘻哈哈食一餐,好暢快呢!




2018年1月10日

29 pence


聖誕節前夕,英國超市賣菜平到笑,西蘭花一個,紅蘿蔔/椰菜仔/洋蔥 (500 g) 19 - 29 pences便士。
過完節都平左一陣架。



2018年1月5日

經驗


連續5個月的教學體驗,今日終於係最後一日上堂,跟著呢兩個月就係改卷,做評審。 以後應該唔使個個月教,間中一次兩次。
我都幾享受整個過程,特別拍檔和我好合拍,成日搵到一D活動可以一班人玩 team building,role play 令到課程增添色彩。



2018年1月3日

第一餐


寫左新年第一post的開心聖誕節,開心買。今日就寫新年第一餐。阿E病到不得了,都煮個龍蝦長壽麵比大家食開年。