2018年4月27日

揭盅


王子BB個名今日公佈左喇⋯⋯Prince Louis Arthur Charles,佢哥哥 Prince George Alexander Louis and 妹妹   Princess Charlotte Elizabeth Diana.  




2018年4月26日

自製雲呢拿糖


我做蛋糕會用白糖。香蕉蛋糕除外 .....
很多美國人食譜都要用雲呢拿糖,但這裡買有味糖就貴好多倍,我唔捨得呢。 所以我會買乾的雲呢拿棒,自己做有味糖,成本很低呢。




2018年4月25日

爆發麻疹


記得去年10 月,去家庭醫生處打防流感針時,佢即時要我打MMR,我當時覺得奇怪,同佢講,我細時已經在香港打左,佢話打左可以再打。

點知幾個月後,台灣及日本就爆發麻疹。 唔通我個醫生係先知? 還是佢哋有地下通道,一早已經知? 

因為幾年前香港有禽流感之前的一個秋天,老DAD又係去打流感針,家庭醫生叫佢打支防肺炎針,過了幾個月,香港便成為疫埠。


2018年4月23日

添丁


今日英國大新聞當然就係王妃添丁啦。
係一個肥仔,有8 磅幾。
依家大家又會玩估BB的名字。今日我聽到有兩個同事分別話可能王子會叫Albert/ Arthur,我就鍾意 Thomas

網上圖片


2018年4月20日

2018年4月19日

午餐


今日公司的主席請食晏,因為我部門被病人選為最佳服務,仲在兩項不同界別中得獎,真係驚喜喇。我哋以為只有一個獎呢。



2018年4月18日

貼心照顧


如果要我揀,我會選擇在英國養老,因為我覺得呢到的醫療服務很照顧老人,很貼心。

今天老 dad 去檢查牙齒,雖然佢已經無哂牙,但口腔護理都要有。

最近睇很多資料,知道在香港睇牙醫很貴,剝一隻智慧牙要 8000- 10000 蚊,洗牙也要 600 蚊。相信一般家庭都很難負擔,而且香港又沒有甚麼資助提供呢。

2018年4月17日

魚漿


我家附近開左一間印度超市,我地去趁熱鬧。可能係新開張,暫時未有鮮魚鮮肉賣。



2018年4月13日

靜英英


今天在網上,有人問今日係13 號星期五(黑色星期五),有咩要做,有咩要避忌,真係  oh my God,今時今日,仲有後生仔咁迷信? 反而我鍾意真正的 Black Friday,可以瘋狂購物。今日係泰國新年,泰國人不知玩得幾開心。



2018年4月12日

左鄰右里


人生無常,我的左鄰右里都相繼病倒,一個返返下工心臓病發,做完動脈支架手術 (stent) 在家抖左兩個幾月,成個人瘦左 50磅,過兩個星期可以返工喇。 

一個無端端半夜起身自殺,救返條命,但就被判為精神病,以後無得返屋企。

遠親不如近鄰,我見到佢哋咁樣都好難過。




2018年4月10日

紅線 ?


因為英國三月仍有落雪,所以到依家都很冷,有時最高氣溫只有 13/14 度,又有雨。


2018年4月8日

2018年4月4日

細心


從香港帶來池記的生麵,過左幾日才煮,麵質依然很爽。未煮時的手感很輕很軟。真係全靠老闆細心,用雞皮紙包裝,很保持新鮮。




2018年4月3日

開工大吉


今天返工,同事很熱情歡迎我歸隊。

為了要滅甩那 2.4 kg , 今朝早餐食 「狗糧」,午餐食了一碗素湯河,晚餐一件燒雞胸,希望唔好個肚半夜打鼓,起身食宵夜,哈哈!




2018年4月2日

正常生活


今朝去公園做運動,見到鄰居們的狗狗,三隻呀,原來佢地都有掛著我,真係心都甜哂。