2018年8月31日

第一次幫襯


星期六和老 dad 又去酒吧食晏,我地常去係因為老 dad 鍾意,我就覺得價廉物美。

我成日去同一個連鎖集團,食物和服務有保證。這次去阿E餐館附近的分店,第一次幫襯。



2018年8月30日

珠光寶氣


最近香港好興睇那套大陸 ''宮廷劇''。我鍾意阿佘,睇左第一集,但真係唔鍾意配音劇。
好彩,有一套 ''珠光寶氣'' 重播,嘩! 正,82 集,有排追,依家我早午晚都睇,劇情愈來愈緊湊! 

暑假就睇左一套韓劇 ''金秘書'',oh,男女主角都好 sweet。 
仲有美劇 ''Succession'' 第一季 10 集,講述大家族的爭家產,不婆媽架。
另一套法劇 ''Le Chalet''  - The Chalet 講述在阿爾卑斯山發生的謀殺案,結果好懸,好刺激,好驚

網上圖片


2018年8月29日

blogger.com


今日無端端收到  blogger.com 的 email通知,問我想唔想收到網誌(post) 的新留言通知 。其實我一向都唔收架,不過既然佢咁問,我就選擇左繼續訂閱,試試效果如果。

我哋呢班寫左 blog 咁多年的朋友,唔知有無想過放棄呢。我曾經同雀后和卡旻E 商量過,佢哋都話就算無人睇,都會繼續寫自己睇返D文章就好似日記咁,有很多回憶,所以我又繼續寫。




2018年8月27日

花園中心


這個長週末,落左幾日雨,無去海邊,又唔想行購物商場。 
買完餸,順便行下 garden centre, 見到種菜泥半價,即買,因為大減價,不設online 買,不設送貨。 唯有自己抬,總共車了兩轉。




2018年8月24日

悶蛋


早排有熱浪 heatwave ,D人投訴天氣熱。依家好囉,不停落雨,又凍,呢個長週末就烏天黑地!

一定好悶蛋!




2018年8月23日

2018年8月22日

橙椒


唔知大家鍾唔鍾意食彩椒 / 三色椒呢? 細時覺得緑色燈籠椒有陣草青味,極不喜歡食。


2018年8月21日

好奄尖


我少街外食 pizza 因為我好奄尖。我要個餅底有煙煙靭靭的口感,配料又要揀,好麻煩架。



2018年8月17日

2018 老 dad 自家種植 - 南瓜,荷蘭豆,薯仔


又有收成喇!這兩年都種到南瓜,老DAD好開心,種子在日本買,可惜老DAD唔比食著,話要再種老D先,到時切開,再報告,睇下靚唔靚。




2018年8月16日

㷛粥


天氣熱的時候,我鍾意食雜糧,㷛粥炒麵就最簡單。

最近終於學識醃鹹排骨,加埋皮蛋和粟米。今次懶無炒麵,蒸左現成的蝦餃。

以前唔識㷛粥,一係㷛燶左,一係就㷛得稀。依家有進步了,當然係要「睇火」啦!




2018年8月15日

2018年8月14日

坐上客


尋晚去左舊中學同學屋企食飯。
呢十幾年來,有幾個舊同學搬來這區住,又幾好,間中可以見下面。

晚餐很傳統的英式 roast dinner,有雞有肉腸,全部係佢地兩個泡製。


2018年8月13日

每月一次


今日又係我每月一次的教書日,最近太忙,無乜心機做準備,用D炒冷飯材料算了!

本來有兩段 video 要同學員分享的,不過當場打不開檔案,唉!!! 幸好,我拍檔都很有經驗的,佢講多少少案件分析,學員聽得很投入,又順利過關了。 




2018年8月12日

夏季大減價


英國的夏季大減價已經到尾聲喇。

我今年無特別去趁熱鬧,反而在本區商場一間新開專賣季尾貨的店子被俘虜左,一星期去兩次,每次都尋到寶,當然比正店賣的減價貨品還要平。而且我無追款,所以就算是去年甚至前年的款式都不會介意。

在英國購物有一樣最好,就是可以退款或退貨。以前沒有時限,這幾年法例已改,都有最少 28天。真係唔怕買錯野。

網上圖片



2018年8月10日

大食


我唔節食,又只做少量運動,可以減肥的空間真係有限。
只望唔增磅就開心喇。so far 英國這個熱浪,加上工作忙,攰到求其煮。這兩個幾月,只瘦少 2 kg ,不過我知我一正常飲食,就好快打回原形架喇!

食粥粉麵飯係我C穴。蒜頭豆豉排骨㷛仔飯就最吸引啦⋯⋯




2018年8月9日

氣温驟降


今日落足一日雨,氣温驟降,由三十幾度,跌到落十幾度。我今朝返工著多件皮䄛,費事冷親。

以為今晚食飽飯唔洗 ''行''。點知七點就出左個小黃昏。見停左雨,又 ''行'' 左一個鐘。


2018年8月8日

有得食


正所謂種瓜得瓜 種豆得豆,阿E種菜好落本,而且喜歡種貴價野,例如:節瓜,苦瓜。中超賣得好貴架。


2018年8月7日

買生果


那天去海邊,路經一個大農場,我好鍾意幫襯,女擋主為人親切,佢左手帶有一隻玉鐲。

賣的是時令水果蔬菜,這些是當天買的士多啤梨,西梅,車厘子,蘋果哈哈,包住哂,你哋睇唔到,還有雞蛋和鴨蛋。
全部很新鮮,好甜。



2018年8月1日

Happy hours


今日放工和同事 S 去左happy hours,傾下計。最近呢 10個星期,只有我和佢頂哂成個 office,我和佢的下屬都走左,和病左。做到氣喘,好忙呢。 
好彩新的大老闆無施加無刑壓力。而且這個星期已經開始請人,雖然唔係請比我,但都對整個部門有幫助。