2018年9月30日

北非 Marrakesh 之旅六


今日係行程的最後一天喇。

經過兩天一日遊,我地已經攰到不得了。所以今天沒有安排任何活動。食過早餐就返房再抖抖。之後再行商場,外面 40 度,太熱,好曬,乜都唔願做,因為一郁就出汗。


2018年9月27日

中秋佳節


中秋節,阿E送老 dad 一盒雙黃白蓮蓉月餅。我一個人,食左一個!
唔知點解,我唔係咁鍾意食月餅。這兩年,突然間好恨食⋯⋯。




2018年9月26日

返來囉,返來囉


失蹤左幾日,因為個 blog app 唔work。以為係電話升左級,個 app 支援唔到。
我聯絡了 app 主,確認一下。佢話個免費 app 玩完。依家要收費喎。見用開好方便,兩三分鐘就寫好一個 post ,要比就比啦,如果用到兩年都算賺到了!

明天回復正常,哈哈,仲有一日遊記未寫呀⋯⋯




2018年9月21日

北非 Marrakesh 之旅五


今天早餐後,8:30 跟團去 Essaouira 一日遊。這裡是當地人的度假勝地,有海吖!

車程三小時,中途停左三次去洗手間,去「睇」手信。這棵樹企滿了山羊,影相要比錢。一車14 個 ,我比最多小費 港幣 20 蚊,但就在最遠距離,又影得最少。因為老 dad 坐著唔落車,而我地只有有限時間,快快趣趣到下一車遊客影相

2018年9月20日

2018年9月15日

北非 Marrakesh 之旅一


今日出發去北非摩洛哥的 Marrakesh 。因為身邊同事朋友去過玩好玩,所以年頭就訂左 package 同老 dad 去。


2018年9月14日

牛尾湯


冬天要進補,老 dad 最近鍾意飲藥材湯,即北芪黨參蓮子百合那些湯水。

當然有佢至愛牛尾湯。



2018年9月13日

梅菜豬肉煲仔飯


多謝 雀后 的 惠州梅菜。
我鍾意食,但唔鍾意整,因為又要浸又要切,不過見到雀后煮,我又跟啦。



2018年9月12日

轉口味


星期六的酒吧午餐,我點了印度巴基斯坦咖喱雞 chicken tikka,主要用香料,乳酪和大量番茄,少少少辣,但好香,又滑。這個套餐可以跟飯或炸薯條,又有薄餅。

老DAD 仍然食burger,今次食炸雞漢堡。




2018年9月11日

禮物


同事去完聖城麥加朝聖,回來送我好多禮物,有披巾, 介子,刻左我名的鏡子。

好感恩佢可以克服那邊的天氣(天天40幾50度),人潮 (成千上萬),和艱苦的路程 (一天要行 二三十萬步,瞓就和幾百人瞓集中營)。

回教徒一生人至少去一次唉,總算挨過。朝聖完畢,佢哋兩夫婦就即刻飛左去巴里島玩, relax 一下。




2018年9月10日

臘腸


天涼涼,想點呀,想食臘腸味呀! 哈哈,早幾日見到 blog 友食臘腸,我又想食。其實我自細都唔鍾意食,怕D 油,唔知點解依家會食?真有趣! 

我會先把臘腸出水先放入飯面蒸。




2018年9月9日

炒腸粉


我細時,老 dad 好喜歡煮炒腸粉做早餐,材料好簡單,芽菜,洋蔥,腸仔。不過好多時都係無肉的。


2018年9月7日

天黑喇


依家 8 點天黑喇,行公園做運動又變成負擔。好幾晚見到有狐狸在公園揾食,一家大細,我怕夜麻麻比佢襲擊,因為園內無街燈,愈夜愈恐怖。所以已經 ''行街'',行公園外圍了。

放假就早D起身,吸下日光,補充營養。哈哈!




2018年9月6日

雪糕車


香港依家仲有無雪糕車?我家附近就有好幾架,屬於不同公司。不定時在不同地點開檔。大家好似好有默契,安排好好。

佢哋除了賣雪糕雪條和飲料。我見到呢架仲賣埋熱狗,咖啡或茶,可以在冬天做到生意喎。




PS:大家小心呀!這裡很容易被人偷相架。最好在相片加入標籤或說明呀!




2018年9月5日

養顏湯水


這個是跟芳姐㷛的養顔湯水,材料是蘋果和提子乾,加埋有老 dad 種到但唔靚的粟米仔。

味道清甜,真係男女老幼都飲得。




2018年9月3日

執金


星期六突然好天氣喎,見到有太陽就心思思想去海邊。不過老 dad 就提議去買馬屎,原來舊年我地無去過。

女主人出來同我地傾兩句,很友善。希望有日佢比我地參觀佢屋後的馬匹,由佢門口偷望去後園,只見到一個無底的森林。

一個鐘去程,一個鐘回程。好彩早去早回,避哂交通,而且今次無去埋海邊食燒蠔。




2018年9月2日

蒸粉果


在英國生活,愈來愈方便,我在中超買到蝦餃皮!

溫馨提示: 皮要預先溶雪,然後用濕布覆蓋一陣,令皮柔軟一下就可以開工喇。