2018年12月16日

海豚兒


北美 blog 友海豚兒又來 英國玩喇。 尋晚我哋約在 Jamie Oliver's Fifteen 食晚飯。 本來計劃去行聖誕市場嘅,不過天氣不似預期,大風,大雨,又好凍。 



我尋晚遲到呀,好失禮!侍應先送佢有一點小食。 海豚兒都要等埋我先食。 我食得出係煙燻生嘅魚,依家寫blog 再睇返餐牌,原來係鯖魚,魚味濃,有點腥。



前菜: 生吞拿魚,有新鮮石榴,少少泰國式味道。


前菜: 蟹肉,蟹膏多士



侍應驚我哋唔夠飽啦,送來一籃麵包和薄脆



主菜: 我哋都選了很多客人都推介的慢煮牛肋骨,配新鮮蘑菇生煎過的杏鮑菇,有蘑菇醬。
配菜 (後面):炸薯餅。 
當點餐時,侍應話我哋點太多,建議兩人要一份牛肋骨。



我哋傾下,講下就食左兩個鐘。 餐廳開始忙喇。 侍應帶我哋去bar 吃甜品。



哈哈,甜品時間,對海豚兒係好重要架,佢真係留肚食甜品。有佢介紹的 pavlova 配雪糕, 平時我係唔會點嘅,因為怕太甜,原來唔係架,而且有很多層次,口感豐富。



又有 檸檬撻,海豚兒驚訝這個撻係暖嘅。真係驚喜處處。



呢位傻妹,又送禮物比我,入面有 ''餡'' 架,咁即係我無做東請你食飯?




PS:大家小心呀!這裡很容易被人偷相架。最好在相片加入標籤或說明呀!


24 則留言 :

  1. 小聲說:餡呢樣野我學妳架。;P

    要妳山長水遠黎陪我食飯又花心思送禮物比我,我唔好意思就真啦,多謝妳陪我過咗個超愉快嘅晚上!

    回覆刪除
    回覆
    1. 我唔記得我曾經有做過呢D婆仔野喎。咩山長水遠? 我都好想食JO 15 架,點都要出來。當然同你見面傾計係主要目的啦。

      刪除
  2. 見到Blog友傾吓計就開心啦。

    回覆刪除
  3. 妳又幾時來同我食雞飯呀?

    回覆刪除
  4. 原來佢去左英國
    你地一定傾得很開心啦

    回覆刪除
  5. 相見歡,又食又傾最開心。

    回覆刪除
  6. 嘩~有朋友咁遠水路黎英國~可以食飯聚下好開心呢~!

    回覆刪除
  7. 呢晚一定好開心..海豚兒真係最緊要係甜點呀..哈哈!

    回覆刪除
    回覆
    1. 係呀,佢係飯可以唔食,但要留肚食甜品的小女孩!

      刪除
  8. 天氣差,確系掃興少少,但食物豐富又可以同blog友仔傾計,相信都系一個愉快既晚上。

    回覆刪除
    回覆
    1. 我曾經想放棄架,因為我出門的時間正是橫風橫雨最犀利果時。不過入到餐廳,傾下計又忘記左辛苦。食完餐飯又停哂雨。

      刪除