2019年12月31日

Happy 2020


God Bless you all in the New Year with peace ,love and Happiness.

祝大家新年快樂,新一年,新希望,齊上齊落,香港人加油!



2019年12月29日

開 party


聖誕節正日,一早去阿E屋企陪佢哋食早餐。之後佢就趕返餐館,為晚餐做準備。下面一檯餸係阿E自己一個人煮架。

食完,佢就去舅父家打邊爐,再去另一親戚家唱K。我?要早D返歸,瞓個早覺。



2019年12月24日

聖誕快樂


各位!雖然今個聖誕因為各種狀況唔係 ''好快樂'' ,但都同大家講句聖誕快樂。希望大家要堅強,繼續努力!

光復香港 , 時代革命!五大訴求 , 缺一不可!

@Dimsunmun1999

2019年12月23日

秘密聖誕老人


今日約左舊同事食晏,點了一份套餐加一個素 pizza 。大家都細食,唔係扮架!結果要打包。一人一份拎回家。



2019年12月22日

冬至


今晚同朋友出去倫敦唐人街 食飯,好耐無見過 霸王雞 呢個餸! 其實都似白斬雞,只係將薑蓉變左蔥絲和薑絲。



2019年12月20日

聖誕聚餐


往年,我部門的 聖誕聚餐都係出去食。今年我地夾埋同樓層的部門一齊攪大食會。



2019年12月19日

豬腳薑


阿E又抱孫喇。

阿E煲左雞酒和豬腳薑,請我去食。 上次第一個孫出世時,我剛在香港放假,未試過阿E手勢,今次佢送左好多比我。



2019年12月18日

2019年12月17日

木瓜湯


有次在友人家,飲過她煮的木瓜湯 ,覺得好好味,好有木瓜香。 今次見到街市有泰國木瓜賣,又大又新鮮。 
放佢兩日,個篤用來做生果食,頂部青D就用來煲湯。


2019年12月15日

點心 lunch


今日表弟請飲茶,佢阿媽,我阿E生日。呢間酒樓點心幾好架,不過自從要收服務費(12.5%)之後,我就無再去。 

原來表弟好耐都無飲茶食點心,佢最鍾意食沙律明蝦角,炸魷魚絲,炸墨魚餅,肉絲炒麵,燒賣,炸兩,和今次無叫的蒸排骨。

今日我幫佢叫點心,佢地唔識中文字佢請飲茶,我當然樂意幫手啦。 以前佢細,我個個星期帶佢去飲茶/食野,行街,仲試過去旅行。



2019年12月13日

2019年12月11日

英國大選 2019


12月12日 是英國大選日子。 今次選舉,將選出執政黨和首相。對國民,政府,世界經濟都很有影響力。特別是脫歐的路向! 

早兩日,黑道消息說蘇聯會秘密操控這次選舉,都唔知真定假!

今次英國大選中有9位華裔參選人。他們來自不同的黨派 ——從保守黨、工黨、綠黨,再到脫歐黨。他們的背景也十分不同——從英國出生長大的BBC(British Born Chinese)到千禧年後從中國大陸來的新移民。

不過佢哋都唔係在的選區,我無研究了!




2019年12月9日

聖誕樹


今年有慈善機構捐出 5 棵 聖誕樹 比公司,以前都係由不同私人或私人公司捐贈,可能依家經濟環境唔好,好多人都慳左。

我在不同時間地點影到 4棵,因為有一棵在另一分行,我好少去那裡開會,無機會見到。



2019年12月4日

薑汁法式燉蛋


朋友介紹一間餐廳,就在公司附近。餐廳不是名店,但週末有歌手唱歌。 
今晚食 set dinner,有雞豬魚選擇。 我選了三文魚配野米,不過不失,因為我自己都煮到,哈哈。
個汁,好特別,有檸檬的清新,忌廉好滑,就係呢一樣,就要比錢人賺啦。



2019年12月3日

聖誕午餐


今日公司請食聖誕午餐,兩星期前已經收到電郵,叫我地從 menu 中揀自己個餐。

頭盆食冷盤,火腿,派對小食。
正餐,有火雞,有燒豬,有素。
甜品是朱古力蛋糕加雪糕或一杯薄荷朱古力加餅乾。




2019年12月2日

桑樹


落左幾個星期雨,太陽又出來了。不過天氣特別冷,日日得幾度,晚上就零下。 朝早跟本唔想起床返工呢。



2019年12月1日

大頭蝦


呢個大頭蝦唔係我呀! 

友人,星期四買到快閃過法國的平價火車票,自駕過法國邊境(Calais) 買餸,順便見下過租客,有D事要傾。
我晨咁早就到友人家集合, 5點,好大霧呀。 一行4人,開車去到關口,點知.............

有條甲乙丙丁(xyz+@"!?/)唔記得帶passport,嘩! 激到我呢! 我哋咁老友,全部陪呀 ''戊利'' 回程啦!




2019年11月29日

免費午餐


講返上星期六, 飯堂( local 酒吧) 裝修左幾個月,終於開返。我地和老 DAD 即刻去食晏,因為未正式開張,只是招待熟客。



2019年11月28日

感恩節


今日係感恩節。美國總統送左一份大禮比香港人!雖然英國不會慶祝這個美式節日,不過我哋一樣都會為所擁有的感恩啊!

「香港人權及民主法案」從5年前首次提出,終於在 ''手足們'' 的努力下,讓世界知道香港抗爭的重要性,並歷史性地通過了這條法案。

香港人既努力冇白費到!
多謝一直以來有幫過香港既所有人!

願榮光歸香港!

網上圖片

2019年11月27日

2019年11月26日

第一次


老DAD 返左香港過冬喇。 

今次佢第一次坐維珍飛香港,因為價錢比英航平好多,無辦法啦, 為左慳錢,不得再做英航 ''忠粉'' 了。

老DAD搭完一程就好滿意。同樣,check in 姐姐好禮貌比老DAD 手提行李都寄倉,無額外收費。今次老DAD 打破唔到坐英航的記錄,只帶了 56 kg 手信回港,哈哈。




2019年11月25日

香港人,你們是最棒的!



每一票是市民學生血汗淚水!為香港為下一代!好好珍惜!不要辜負年輕人和失去生命的人。

圖文不符,哈哈!

網上圖片


2019年11月22日

煎釀豆腐


果日包完雲吞,剩低好多餡料 (免治雞肉和蝦),屋企剛好有盒豆腐,就整左這個煎釀豆腐。



2019年11月17日

一個無恥的政府!



警察完全失控,無理拘捕在場的醫護!

全世界在看著你! 

The World is watching! 

All of us must stand in support of democratic principles and freedom.

網上圖片


2019年11月15日

雞肉雲吞


在這間中超買左雲吞皮,和蝦。家有雞胸肉,自己剁。 
信我,我煮雞胸肉好拿手,唔會鞋架。



2019年11月14日

中超


飲完茶,隔度門就係中超。 貨品很齊全,比我買開果間更多牌子選擇。不過,蔬菜類就很,而且唔新鮮。



2019年11月13日

點心


大事大非之時,如果大家睇到我講飲講食而感到不安,可以輕輕略過。 我都好掙扎,成日都諗,應唔應該繼續寫blog,唉!



最近個個週末老DAD去做針灸,之後就唔知去邊好。 
開車去左呢間酒樓食晏,大家都係第一次去,12點幾,居然要輪籌喎,我哋呢邊唔使架。

2019年11月12日

不希望校園變成戰場


這兩天,見到所有不幸被警方人侵嘅大專院校,感到難過。真是不知怎麼形容內心的激動…唉,心情好好好沉重。

''不希望校園變成戰場''  - 沈祖堯教授,前中大校長

網上圖片

2019年11月11日

11月11日


今天11 月11 日,為 國殤紀念日Armistice  Day/ Remembrance Day。紀念第一次世界大戰於1918年11月11日上午11點正式停戰,後改為退伍軍人紀念日。

網上圖片

2019年11月8日

姬松茸


今年買左一斤姬松茸回來,唔算係好靚。 姬松茸乾比其他的菇,香味較濃,最好就是用來煲湯。




2019年11月6日

黑糯米雞酒


收到朋友媽媽釀的黑糯米酒,我好鍾意呀!在超市買到隻靚黃油雞(粟米雞),好靚,好新鮮。



2019年11月5日

11 月 5 日


英國每年11 月 5 日是 bonfire night (煙火節  Guy Fawkes Day),我成日叫佢做 ''燒銀紙節''。因為煙花都唔平架。

近年這節日亦受爭議。環保團體批評燒煙花對環境有影響,更令小動物受驚嚇(係虐待的一種),而且大人細佬都因玩煙花而燒傷。

我就唔會參與,只係有鄰居在其花園燒,我拍到一張相罷了。




2019年11月4日

2019年11月1日

睇吓啦


最近睇左兩套CCTVB膠劇,不過真係一D都唔膠,今次叻返次啦。 金宵大廈,有主題連貫的單元劇。未睇前,聽人講係鬼古,其實都唔恐怖又唔驚。 每個故事都有一點說不穿的事,幾好追架,哈哈,我鍾意 ''追'' 劇。

網上圖片

2019年10月31日

Halloween 2019


今日係萬聖節,同事和朋友都無攪活動喎! 

公司的兒童病房有少少裝飾,有醫護同事向病童派糖。



2019年10月30日

等⋯⋯


已經進入冬令時間幾日,我的生理時鐘,當然習慣啦,無問題。

晨早起身,有陽光。 光光猛猛,人都醒神!



2019年10月29日

湯怪


湯怪又繼續煲湯。今個夏天少了煲素湯,少了煲綠豆沙。早排就成日煲粉葛蓮藕湯。



2019年10月28日

臘味糯米飯


呢個星期教慢鐘,即同香港相差 8小時。 冬令時間,4點就天黑喇,又開始 ''摸黑'' 的生活。



2019年10月27日

pho


星期日去食越南河粉 pho,12 點多到,今次居然無人排隊? 食左 一個鐘,走時店內都無坐滿。



2019年10月25日

2019年10月24日

白灼八爪魚


我的賣魚勝已經有6 星期無開檔喇!最近要在中超西超買,中超唔方便,而且魚的 size 比較大;西超的魚就肯定無咁新鮮。

今日在西超見到八爪魚好靚喎,老 dad 話想食。
呢兩隻 500 g ,我自己劏,去了表皮。乾乾淨淨。


2019年10月22日

‪乳酪雪芳蛋糕‬


哈哈,又係呢個‪‎乳酪雪芳蛋糕‬,我諗我已經  post 過超過 10 次喇! 我應承大家,下次用另一個雪芳蛋糕食譜!



2019年10月21日

Sunday Market


英國星期日的節目,除了去教堂,去 car boot sale 二手攤,也有星期日市集 Sunday Market。