2019年2月28日

2019年2月26日

26/2/2019


今天約同學食早餐,之後回中學和老師食晏。黃昏約了谷友卡旻E,和朋友去深水埗,兌$,買電話卡,睇電腦野。




2019年2月25日

25/2/2019


今日一早起床,屋企無早餐食。食左個白桃就去晨運。呢D時候,一定最多公公婆婆晨運客




2019年2月24日

上機落機


星期六下午順利上機,英航又對我好,第三個喼都幫我寄倉。我可以好舒服在免税店 shopping。




2019年2月22日

教學


今日又係教書日喇。 今次玩的 team building 就是在有限時間內(15分鐘),利用有限的意大利麵 (20 條)和一粒棉花糖,去建造一棟不倒的大樓。

建造到最高大樓那隊伍就為勝出。

其實一開始時,很多隊伍就好似呢幅圖一樣,用哂所有意大利麵,頂起一粒棉花糖。

不過勝出的,就是把材料分開三份,分層向上建成,又隱陣,又夠高。可惜我掛著講嘢,無影到相。



2019年2月21日

做家務


我最討厭的家務就係清潔。例如,吸塵拖地,抹窗 ,清潔廚房。

我成日都想請鐘點來一星期嚟次。不過老 dad 唔鍾意有外人入屋。

另一樣我唔鍾意做的,就係燙衫。特別夏天衫,唔燙唔得,燙完都成身汗啦!

我以前唔係咁架,總之唔知點解就愈來愈懶!




2019年2月20日

2019年2月19日

2019年2月17日

2019年2月15日

干炒意粉


你地鍾唔鍾意食干炒意粉,我先舉手!

今餐多多菜,少少肉,用老抽整色整水,食時加辣椒油。我覺得係美食呢!

滿足,就係咁簡單⋯⋯




2019年2月14日

公司 ball


我公司自從 2012 年開始,每年都會舉行一次週年晚會, annual ball。我間公司有 3千幾員工,當然無可能全部有機會出席啦。
所以只會抽選在工作上有突出表現的個別職員或部門。我都係第一次出席。

尋晚擺左 30 圍。




2019年2月12日

足部護理


我公司對員工幾好架,除左同佢講加人工,加職位⋯⋯。

平時有很多不同折扣優惠比職員,雖然呢D少恩少惠對好多人來講,唔係咩。不過有好過無啦。

同事介紹我買公司的足部護理,修腳趾甲,磨厚皮,除雞眼。外面的價大概 港幣 $400 以上,同事説,在美容院會收 $ 600 。

2019年2月11日

星期一


二三月就是公司要清假的日子。 自從有D破壞者,攪壞規矩之後,在4月1日前未清的假都會一筆勾銷,無得帶落下一年。 所以有很多員工就會在聖誕新年放長D。

我最近就每星期放兩日,雖然好似好輕鬆,不過因為我部門呢大半年都唔夠人手,新人又未適應,雖然我返3日,其實做足5日工作,都幾辛苦架。




2019年2月8日

住宅區


朋友在我同區買了一間屋,所在地點特別好,附近有個大公園。係有兩個大湖那種,好羨慕呢。當然,那裡的屋價都好靚呢!



2019年2月7日

鷄酒


友人送來一瓶自釀糯米酒,真係多謝佢知我心意。
我自細好鍾意食雞酒, 細時媽咪會煮。佢會落埋雞內臟,木耳,和很多黃酒煮。



2019年2月6日

家鄉咸湯圓


阿E有個習俗,過時過節會整咸湯圓。湯圓用糯米粉,我會加少少菱粉,水,手搓粉團。然後再搓成細細粒湯圓。有見有親戚會包粒臘腸做餡,真係各施各法。

湯底有蝦米,瘦肉,雞,黃芽白,白蘿蔔。

我食過有加炸魚片的。

我自己家就唔會整,只是來到英國跟了阿E 的生活習慣。




2019年2月4日

團年飯


今日阿E煮團年飯,我放假去左幫手⋯⋯食,哈哈!

祝大家 blog 友吉祥如豬、豬豬平安、豬年好運。



2019年2月3日

糯米飯


這樣天寒地凍的天氣!胃口一定好好啦。 因為食飽先夠暖呀!

今次用蒸的方法煮臘味糯米飯 。浸 糯米 最少4小時,隔去水,蒸至軟熟。

臘腸,蝦米 炒香,忘記了冬菇。然後把所以材料加入飯面,閂火焗多 10-15 分鐘,曬上蔥花,吃來更加香。



2019年2月1日

星期五


今天係教書日,今次有 30 個學員,大家一人一句,好快夠鐘。

我比較喜歡互動教學,可以有多D交流。人地學到我的,我又學到佢地分享的知識。