2019年5月29日

2019年5月28日

少少忙


星期六,本來想去食點心,行中超,不過無人附和我。老 dad 話天氣預報無太陽,最好在花園插菜苗。佢話唔想出街添。

我約左 9 點洗牙。本來今次係最後一次幫襯,因為貴 £50 又洗得馬虎。半小時的 appointment ,實際只有 10 分鐘洗牙。唔知係咪佢有預感。今次洗得特別好,起碼有 十幾廿分鐘。可能我講比佢知,我星期五會睇牙醫。

之後去買魚。今次買多D,比左幾條東星斑阿E。先把魚拿回家,放雪櫃,再出去。


2019年5月27日

紅酒燴牛尾


今日放假,無節目。朝早行左一陣市中心的商場。本來想今晚燒雞,不過見到牛尾新鮮,所以轉plan。



2019年5月24日

號外


今天英國首相文翠珊 (Theresa May)宣布,將於6月7日辭去保守黨黨魁職務。應該在7月在黨內選新領導,然後落實新首相。

在脫歐過程中,文翠珊在這3年無得到內部黨員 (保守黨) 其他黨派支持。

我覺得首相文翠珊已經盡一切做脫歐工作,見到佢喊曬,其實可能係一種解脫。

呢個大頭佛 (脫歐)由前首相卡梅倫攪出來 (亦即是文的保守黨前黨魁)卡梅倫之後一走了之。到文翠珊上任,佢硬著頭皮帶領英國做但就受到各方壓力。

這個位,依家邊個上都會死架!依家英國政局真係好亂。




2019年5月23日

炆冬菇


有時間,我最鍾意攪三攪四。 
今次玩炆冬菇。
我一次浸一斤,不過買的貨唔靚(大陸貨),剪左一堆腳,都有6兩。



2019年5月22日

炆牛肋骨


我哋係牛魔王呀。好鍾意食牛肉,煎炒炆烤都啱。
有間西超的豬牛肉都靚,有時魚類都新鮮。今次買了新鮮牛肋骨 先切去眼見到的肥膏。在香港就要買冰貨,我真係食出有分別

用薑蒜起鑊,煎香牛肋骨。之後加入柱侯醬 ,南乳 ,花椒八角,香葉 ,玉桂。加水炆至淋。我的白蘿蔔是分開煮的,到最後半小時才放入牛肋骨索味。 




2019年5月21日

加價


我公司有間有風景睇的職員餐廳。
以前我都有約老DAD,星期五來食炸魚薯條。不過後來批准左病人和訪客都可以入內進餐,我就無去過。依家的食物水準下降了,真係好耐好耐無幫襯。



2019年5月20日

「一夜情」


買了鱭魚,清理乾淨,抹乾水,用多少少的鹽,內外搽勻,醃一晚。我就掛在廚房吹一晚。



2019年5月19日

炆門鱔頭


我個個星期都有買魚。老dad 鍾意食呀。
今個星期有 門鱔頭 鱭魚(池魚?), 西人原來叫 jack fish ,和兩條細龍脷 共 £15



2019年5月17日

戥人高興


今天參加好同事的退休午餐,這位好人護士長,工作了 38 年,今天榮休。她的部門在 office 幫她慶祝。每人帶D食物,或者買外賣一切食。

我和其他同事夾$買禮卷送比佢。



2019年5月13日

選舉


因為英國來不及在5月23日的歐盟議會選舉之前獲得國會普遍認可(可行)的脫歐協議,所以英國將會參加這個月23日的歐議會選舉。

我一向支持工黨的。但近年佢哋在議會各議題上都表演差勁。特別佢哋對脫歐的立場,不是為市民著想,而係想對家(保守黨)主席辭職。然後自己頂上。唉!

今次選舉,我區多了很多不同新成立的黨派,更有趣是,竟然有 8 果個獨立候選人。




2019年5月12日

週末


天文台預測,說週末好天氣,我仲諗著一早起身洗衫,然後在花園曬乾。
哈哈,真係天氣不似預計喇。成日落不停,其他區又唔係喎,'蝦' 我!



2019年5月9日

Nursery


星期一係英國的公眾假期。5月有兩個這樣的3日連假。 
這裡的人最鍾意就係趁著這時候,行花園中心(Nursery ),買定花花草草等植物,種子,花園泥,肥料,工具,迎接夏天。



2019年5月8日

綠色派對


今日公司攪左個主題派對,Green Party,要求職員著主題顔色參加。

我地幾個星期前已經收到通知,但原來要揾一件綠色衫都唔係咁容易。

以前聽長輩講,著綠色會影到塊面青BB,又好黃。真係唔會買綠色衫!

最後我只穿了件舊裙,少少藍,少少綠,參與一下。



2019年5月7日

2019年5月6日

It’s a boy


Harry 王子今朝做左老豆。BB 在自己的別墅出世,所以在電視上見到佢企响馬糟前面會見傳媒。佢話過兩日會比大家見下佢個bb 仔。

網上圖片

2019年5月3日

Airfryer 氣炸咖哩角


尋日我的毒朋友,在群組分享氣炸雲吞,炸雞翼,炸雞肶菇,引到我流口水!

晚餐,我唔煮飯,老 dad 食隔夜餸。我就食炸咖哩角!



2019年5月2日

Alphonso 阿芳素


今日去剪頭髮,店主在同區有幾間店,我去開果間換左另一個地方。 店主話佢無客,雖然我無預約。佢都同我剪,只收我半價,要指定佢剪係£45 ,今日賺左!



2019年5月1日

2019 老 dad 自家種植 - 豬乸菜


老 dad 從香港回來,已經開始了他的花園自家種。現在全部都是發芽階段。天氣時冷時熱,又大風,真係要特別花心機。