2019年7月31日

食 Pizza


我鍾意食麵粉類食物。中式粥粉麵飯。
西式的意粉 (出街唔會食),pizza  ,包類又啱。

Pizza 我愛食 homemade 那種口感,煙靱,有𡁻囗。雖然大部分 pizza 店都係預先發好個餅底先送到餐廳。但又有很多餐廳,再在店面搓多兩搓扮即場整。

Anyway ,這店的 pizza 很不錯。餐單上寫一片有 300 幾個卡路里,我食左三片,已經食左成千喇⋯⋯唔驚,今晚行多兩步!




2019年7月30日

2019年7月26日

香檳


今日收到病人家屬送的禮物,係兩支法國酒。雖然我唔飲酒,但收到都好開心啊!

我會捐出來做公司 annual party 的禮物,借花敬佛。




2019年7月25日

39 度


今日英國罕有出酷熱天氣警告。今日倫敦最高氣溫係 39 度。

地鐵出左呢個告示,市民在網上瘋傳。 佢話咁熱天氣,乘客可能會發出體臭,話臭到好似放在走廊死左 6 個月的蝦(即係唔係放雪櫃的冰鮮蝦),又好似誇張左D。

佢哋都未食過榴槤,哈哈!

網上圖片


2019年7月24日

減壓


唔知大家用咩方式減壓? 做運動?大掃除?跳舞?

我最鍾意食野!大吃大喝!食到頂心口就好滿足!不過年紀大機器壞,身體健康最重要。

咁,不如就焗個 「高大威」。焗完送比人,請人食。




2019年7月22日

恐懼


這兩天的心情,就如當年在電視機看 64 屠城的畫面。
特區政府居然要靠黑社會來襲擊無辜市民!

網上圖片


2019年7月19日

自助


科技日新月異,購物付款方式已經很進步。

英國的西超可以自己掃代碼 (bar code),客人即時知道自己花左幾$,可即時把貨入購物袋,然後放回掃碼機,付款,就可以走人。完全不假人手。老 dad 都識用。




2019年7月16日

玩嘢


有同事退休,部門主管為佢舉行 tea party 。

你地睇,同事們好玩嘢,買左個吹氣 walking frame 做禮物!比著我會嬲嬲豬囉,大吉大利呀!





2019年7月15日

退步



一間食店無客,原因就得兩個,服務和食物退左步。
我每次在總部開會,都會和同事在這裏食晏。


2019年7月14日

今年失收


今年老 dad 失收,這兩星期無菜食。今日去好朋友 屋企摘菜。

老DAD 今年 ''賴'' 狐狸,晚上來花園搗亂,攪佢的菜種,菜苗。平時已經常常有松鼠來玩,依家加埋一家大細的狐狸,老DAD好無心機種呀。



2019年7月12日

白切雞


我住左英國後,好恨食香港的白切雞。

因為英國的雞好難食無雞味走地雞好食D,如果買到法國走地雞就最好啦,但真係難買。

有時,將隻普通雞,煮到好食呢,就好有驚喜喇!

切雞一定要配薑蔥蓉,不過如果我懶的時候,我就只點蠔油




2019年7月11日

檸檬戚風蛋糕


上兩星期,我要幫阿姨餐廳做替工。我特別焗個蛋糕比佢地食!

焗大的比佢,細的我要。




2019年7月10日

2019年7月9日

姨丈生日???


尋日係姨丈生日,阿E請客吃飯。 我地唔會叫佢姨丈/乜丈/ 物丈架,我地叫佢英文名,唔係我地無大無細,只是佢係一個 BBC ,如果我地叫長輩稱呼,佢唔識應的。


2019年7月7日

圖片只供參考


今年在香港買海味,店家送了一些贈品。這是其中一樣。我從小鍾意食魚翅,不過依家大家要保護海洋生態,已經無食好耐。就算今年親戚比一隻魚翅我,我都唔敢帶回英國,費時比人 ''拉''。


2019年7月4日

當造


每年7月,是英國網球比賽盛事。同時,亦是英國出產士多啤梨當造的季節,哈哈。
大家可以留意一下,温布頓 = 打網球 = 士多啤梨 = 香檳。
整件事,高貴了。




2019年7月3日

年檢


上星期,攞左假做身體年檢。年紀大機器壞,眼耳口鼻,五臟六腑都要多關注。

今日家庭醫生打電話來,嚇了一跳。我以為大件事,原來無事。 不過仲有一個婦科報告未有。希望都過關啦。

我和老DAD剛剛去年尾轉左診所,so far 我對佢哋的服務都滿意,但就無夜診(黃昏),我覺得唔方便囉。




2019年7月2日

Airfryer 叉燒


又見到豬肉減價。買了 1 kg ,分兩次煮。我買的是一大塊豬頸肉,所以可以切成兩條長長的,外型更似叉燒。


2019年7月1日

蟶子王


賣魚勝,已經兩個星期無開檔了。 星期五見到佢,佢兩公婆話,如果我要咩魚都幫我攞。我梗係唔使佢特別為我服務啦。

星期六9點已經去到檔口,嘩! 靚野都已經賣哂。我多口問句,咁多東星斑(我見劏魚位,有好幾條排緊隊),點解只剩下一條。賣魚勝話今日有很多中國人買哂。其實我平時都見有幾個熟口面的香港人買魚,見到面都會打招呼。