2019年8月30日

捐贈


今日公司的兒童病房收到善長人翁捐贈的 Lego 玩具給病童。 下圖只是其中一部份⋯⋯!

人人有份,大家開心。希望佢哋快D好返,身體健康,快樂地成長。




2019年8月29日

4 個月


仲有4 個月先到聖誕節,超市已經開始賣聖誕卡和朱古力喇。
唔通真係眨下眼就到咩⋯⋯!



2019年8月28日

Nando’s


這間燒鷄店 Nando's,已經很少幫襯。以前我地去,有員工特價,全單減 25%。這幾年就只有持有工作証果位才有 20%  折扣少左,而且職員家屬無優惠。菜色選擇又只有個幾樣,同事們都很少去幫襯。

今日送別宴 farewell,同事提意去 Nando’s ,貪可以坐得舒服,自己點自己食物,自己比自己個份。

我今日點了鷄胸 pita bread,配兩款配菜。一碟雜豆,有白豆,毛豆,薏米等。及一份 coleslaw 椰菜絲沙律,兩個配菜都好好食。


2019年8月27日

真巴閉


這個 long weekend 真巴閉,熱足 3 日,今天 星期二 持續有30 幾度。之前冷左兩星期,明天又會涼返 (23度),又落雨。真係人都癲!

尋日 (星期一) 是公眾假期,去了朋友家 BBQ,佢花園有樹蔭,有風,感覺良好⋯⋯哈哈。



2019年8月26日

海邊


今年暑假,我地都未真正去過海邊,而且都無去農場摘生果,又無去郊野公園餵鴨仔。生活有點忙,但又唔知忙咩喎!


2019年8月23日

德式午餐


公司附近的酒吧,做緊 德國食品週。有很多特色德國食物和啤酒選擇。

今日是長週末前的星期五,大家個心都去左放假,加上天氣又熱返。人人心情靚,所以就去食個 long lunch。

2019年8月22日

時令水果


英國夏天有很多時令水果吃。而且英國出產的又特別好食。例如:車厘子,士多啤梨,梅,蜜桃,藍莓等。


2019年8月21日

自食其果


星期四,在德超買了一對減價運動鞋,只有兩隻色揀,一係藍色,一係黑灰色。以 £8 (港幣 80 蚊) ,見款式唔錯,在店試鞋,覺得 ok 即買。


2019年8月20日

2019年8月19日

女人堆


阿E的女人堆朋友中,有人嫁女擺西式酒,佢哋要買晚裝。

上星期已經大試一輪,但見到尋日再減,所以再去硏究研究。今次擺酒雖然無我份,不過我都好樂意做陪客。



2019年8月18日

2019年8月16日

2019年8月15日

飯聚


老 dad 友人來倫敦玩,可惜近日天氣時冷時熱,又落雨。

老人家唔慣成日食西餐熱氣嘢。我地做東,約左佢地在倫敦唐人街見面,食晚飯。

佢哋好快在香港又會見面了。




2019年8月14日

英國名菜


今日和同事到附近酒吧食午餐。因為要商量大計,哈哈!

呢個係英國名菜 Toad in the hole ,一個大大的 Yorkshire pudding,兩條肉腸 sausages ,加上洋蔥醬汁 gravy 和薯條。




2019年8月13日

大風吹


過去的 weekend 倫敦有黃色颱風警報。好彩我地坐火車去比利時,如果坐船就拋到暈啦。


2019年8月12日

垃圾


呢個人,成日留下垃圾留言,唔該你啦,真係 delete 到我手軟。又唔可以封鎖佢喎!
究竟有乜辨法可以避開佢?





2019年8月11日

布魯日 Brugge


星期六和朋友去了比利時的布魯日一日遊。我幾年前去過,麻麻地想再去。不過友人今個暑假已經叫了我兩次,今次第三次喇!
既然又係佢揸車,我和老 dad 樂於配合。

我地早上 8 點出發。以 Eurotunnel le shuttle ,經法國,12 點半到達比利時布魯日。

由我家,揸車兩小時內,到達 Folkstone (火車站),落車去洗手間,買免稅品 (半小時完成)。即刻上 Eurotunnel le shuttle (私家車上火車),35 分鐘到達法國邊境 Calais。再開 一個半小時車就到達 布魯日 (Brugge)。 今次來回都很順,雖然回程,因暑假關係,多車,但不塞車。





2019年8月9日

零食王


唔知大家鍾唔鍾意食零食。我以前唔鍾意,但呢十年好喜歡!

公司同事們就更加啦,蛋糕餠乾,薯片朱古力,果仁生果,咖啡茶,各式各樣長食長買。

今次輪到我買......我無意志力架......  !




2019年8月8日

學野


今日被邀請去監堂,教準助產士 (執媽) 溝通技巧。
我得閒,就留多一陣,因為佢地下午有接生訓練。我八八掛掛,想睇多陣。


2019年8月6日

浸浴


唔知大家鍾唔鍾意浸浴 bath ? 

我以前可以朝朝浸一陣。依家懶到最後一分鐘先起床,當然,一個快的花灑浴就差不多!

不過我都會一星期浸一兩次。聽下歌,relax 一下。



2019年8月5日

BBQ


朋友邀請我地去佢農地摘菜。今次有很多 bb 青瓜。好甜,好脆,又多汁。好似食生果咁。



2019年8月4日

偷⋯⋯


阿E一年一度的自家種節瓜出場喇。星期六去左偷瓜,哈哈!

佢種左好多好多,不過我唔想 post FB,費事佢的豬朋狗友個個去攞⋯⋯呵呵⋯⋯!




2019年8月2日

真失禮


我部門新來的同事,原來是整餅高手。食過佢兩個蛋糕,味道都很好,甜度適中。
我都顯下身手,整香蕉蛋糕 Banana muffins 請佢食。



2019年8月1日

勤力


最近好勤力帶午餐返公司食。
話自己勤力係因為要預時間準備,起碼 15 分鐘啦。我係果D懶床到最後一分鐘先起身的人。