2019年9月30日

湯渣


通常我都食湯渣,除了豆類,最鍾意食煲完湯的排骨。

今日糧尾 ,見到有新鮮豬肶仔  ,只係港幣廿蚊咋,平時少買,見今次無咩肥膏,㷛完湯點豉油熟油食。

清清地有肉香!


2019年9月27日

Meilo


在公園做運動,認識很多新朋友,鄰居。 特別多認識了狗狗,呢隻狗仔 Meilo 好跟我,見到我就撲埋身, 成日要我幫佢按摩。

每日都好期望見到佢。



2019年9月26日

開左學


9月係開學月!我又開始忙碌執教,仍然是一個月一次。

今期人材鼎盛,坐滿哂,真係多謝大家棒場。




2019年9月25日

豉汁炒蜆


你地好來無見我講買魚。其實個個星期都有買,不過 ''賣魚勝'' 暑假休息,我轉左幫其他檔買和中超買。又去過在西超買冰魚。



2019年9月24日

外賣


飲完茶,去左中超買D餸。 跟著就去文興買燒鴨做晚餐。 
邊個話市道不景? 文興在唐人街有3間店,間間都排長龍,不論外賣或堂食。 不過,我明架,堂食係遊客,哈哈。 事關,佢哋除了燒味好食外,其他都麻麻,包括服務和餐廳的空間。



2019年9月23日

吃點心


上集提到,我和老 dad 已經一年無出過倫敦,未去過唐人街。

嘩!幫襯慣的酒樓已經易手。朋友介紹另一間。

香港人老闆,好招呼,食物 好味。 除左潮洲粉果 ,餡料太多花生,而且係未炸過的花生。

老闆送每檯一大碗無味精老火例湯。

無加一 (我家附近收 12.5% 架),所以好抵食。 



2019年9月20日

潤腸蒸魚


見到 blog 友EE 用 潤腸蒸魚,我已經流口水啦。 家中剛好有材料,即刻試煮。
真係好好味,好甘香。 唔洗次次用蒜頭豆豉或者麵豉蒸黃鱲倉魚。 
後來再睇返EE 個食譜,原來佢仲加埋豆卜和欖角,味道一定更豐富呢!




2019年9月19日

2019 老 dad 自家種植 - 白菜,南瓜,粟米


老DAD 今年的自家種,收穫不佳,佢就成日 ''賴'' D狐狸來搗亂,把個菜田 upside down 反轉!

其實我哋這個夏天都不斷有菜心,紅菜頭,西洋菜,薯仔,生菜。 



2019年9月18日

工程


我最憎屋企有工程,因為好多野要執,好多清潔功夫善後。
我拖拖拉拉要換老 DAD 房的浴缸,阿E話幫我 「攪掂」!

攪掂嘅意思係,幫我揾人,約時間,買材料!



2019年9月17日

消滅羊扒


剛過去的星期日,朋友邀請我地 BBQ 。
因為天氣太熱(24度),要等到太陽落山先可以開爐。
今次BBQ, 終於可以清哂我冰櫃的 羊扒 。 因為朋友話攪燒野食,講左幾個星期,食材我又一早已經訂左, 冰左幾星期。

食左佢,好過入 '大口仔' 啦!




2019年9月13日

心甜


谷友從香港寄月餅比我和老 dad ,仲係我想食的流心奶黃月餅,和雙黃蓮蓉月餅。

真係有心,對我地好好我好心甜呀,多謝哂!

我分左D比阿E試下。本來今年佢想自己整奶黃月餅,咸蛋都醃左,點知無時間,希望佢下年可以有出品啦。




2019年9月11日

三朝回門


阿E朋友嫁女,擺西式 cocktail and dinner,無請我。

尋日係新娘三朝回門好日子,朋友在附近的酒樓請客 ,邀請無去西式婚宴的親戚朋友出席。

下星期一又再請食午餐。



2019年9月9日

唔識字


早前有親戚返香港放暑假。今次呢班 係十幾廿幾歲的小朋友,在英國土生土長,廣東話就識聽,識講。雖然有返中文學校學過下寫中文,不過係 bb 班程度啦。

沒有爸媽的日子,佢哋返到香港,第一日就要上 FB 求救喇。

原來去到茶樓飲早茶,唔識 tick 點心紙,哈哈!因為英國的餐牌有中英文對照,又有圖。平時又依賴父母!

我地就整蠱佢地,叫佢地亂 tick ,哈哈,一係叫阿姐幫佢地 tick 。真係笑C人!




2019年9月6日

迎新大食會


9 月是莘莘學子的開學大日子,大小朋友穿上新校服,新皮鞋上學去。這幾天,我的 FB 都被小朋友返學的 post 洗板啦。

我都有得 show 喎,哈哈!

有部門主管,特意安排自助午餐歡迎新入職佢地部門的剛畢業的醫科學生,我就當然借D意去迎新,順便黐餐啦!




2019年9月5日

五大訴求, 缺一不可


今日 777 再出來解釋,話「撤回」唔需要經過辯論和投票,但要按立法會程序,保安局長會動議就修例恢復二讀,以撤回條例草案。這是法例。

對於前一個post 我所表達的,已完。 



網上圖片


2019年9月4日

未撤回!!!


今日 777 又在做 show。 

朋友間,有人覺得政府係勇敢地出來面對平息困局,撒回逃犯修訂條例。錯錯錯! 

777 只係話 會在立會重開會期時,''動議'' (Motion) 撒回,不是現在撒回,大家唔好開心得咁早!




2019年9月3日

摘生果


朋友租的農地,今年有很好的收成,青提子,紅提子。果實好細粒,皮比較厚但好多汁。佢哋用來打果汁,和釀酒。



2019年9月2日

Jamie’s


我以為 Jamie’s 的餐廳執哂,原來公司附近果間還在。可能近遊客區啦,D人覺得佢還有點名氣。

尋晚同香港來的舊同學見面,點了二人意式雜錦前菜做頭盤,加了份濃湯,朋友話西湯好飲喎。

正餐我地點了海鮮,份量少,二人吃三份,加上一籃意式硬包就夠飽。哈哈,我地好大食呀⋯⋯!