2020年4月3日

南丁格爾


今天在英國倫敦,新開了一間醫院 ''南丁格爾醫院 NHS Nightingale Hospital''。 
這間醫院場地原本是一間有國際規模的展覽中心由英國政府,各醫院,英國軍人,用了9天時間改建而成。裏面設施是全新,共有 4000 床位,暫時開放500 個床位給肺炎病症教輕的病人,重症者會留在原本的醫院作深切治療。

網上圖片

2020年4月1日

排隊


在半戒嚴令下,其實到今時今日,都已經係真正的 ''全戒嚴'' 了,因為很多外賣食店,家居商店,因法令漸漸苛刻,他們也關門算了。 

我哋去超市買野,門外要離兩米排隊,去藥房又係,買麵包又係。而且都限制了店內的人數,要一出一入。

營業時間也改了,遲開早關,總之一日做唔到一件事。出一次街,已經好筋疲力盡喇!




2020年3月31日

素菜乾湯


好多人,唔鍾意羅漢果的味道,我細時都唔鍾意架。不過試過有次咳到CC下,朋友介紹我飲羅漢果水之後好番。我便接受左羅漢果的味道了。 

今日煲了素菜乾湯。 

有合桃 ,杏仁,腰果 ,夏威夷果仁 ,紅蘿蔔 ,陳皮 ,羅漢果 ,無花果。 飲完,個喉嚨好舒服,真係好潤架!




2020年3月29日

留家抗疫


半戒嚴令已經開始左一個星期了。當然有好多唔聽話的國民啦,成日周街走,唔自律!

網上圖片

2020年3月27日

首相都中左


今日新聞報導,英國首相約翰遜確診武漢肺炎。佢自己在社交媒體報平安,説只是很輕微的病癥,現在 唐寧街10 號首相府的樓上 (11號) 自我隔離中,但仍會繼續帶領國家對抗疫情。



2020年3月26日

查理斯王子


英國的皇宮昨日發聲明表示,71 歲的皇儲查理斯王子(Prince Charles)確診武漢肺炎。現在情況良好,已搬到蘇格蘭的別墅,自我隔離(同老婆)。

查理斯王子染病途徑成疑,令人懷疑佢就是早前(10/3)曾與同樣確診的摩洛哥王子 Albert 有過接觸。
查理斯王子又曾與母親英女皇見面,令外界憂慮英女皇情況。 不過皇宮表示英女皇目前健康良好。

我覺得這單新聞一出,''武漢肺炎疫情蔓延至皇室''。令國民有警惕作用,即任何人士,都會有機會受感染,不會對武漢肺炎掉以輕心!

網上圖片



2020年3月25日

消磨時間


尋日半夜肚餓起床食宵夜⋯⋯食左個一丁。今朝就晏左起身!

煮左個炒飯當 brunch 食。

左鄰右里都在整花園。本來我都想參與嘅。不過我對園藝興趣不大。 出去做運動避一避⋯⋯哈哈。


2020年3月23日

半戒嚴令


每日,英國首相都會在電視前,同國民回報武漢肺炎疫情進展。我地同意大利的個案升幅一樣高!


2020年3月22日


英國政府在上星期五 20/3/2020 宣布左,由21/3/2020 起,所有食店,運動中心,酒吧健身中心等要閂門。這樣起碼做到 stay home 的第一步。


2020年3月20日

本來⋯⋯今日 2


本來今日 (20/3),同我的 blog 友去曼谷玩幾日架!佢哋對我好好,我話7 年未去過,一問之下,個個舉腳贊成!
我地仲 book 左間新酒店添!依家武漢肺炎疫情嚴重,我估呢一年都唔可以出遊喇⋯⋯。




2020年3月18日

越南河


前日政府宣佈70歲或者以上老人及有長期病患者,唔好出門。 仲提點仔女和親朋好友,社區,好好照顧這類高危人士。 
今晚,就宣佈學校由星期五開始無限期停課。 嚟緊的週末,應該會再有事情發生,例如,醫院服務會有限制,餐館/shops,封關。

在家附近,開了一檔cafe,越南人主理,有越南牛肉湯河食,朋友好介紹,真係好食,無味精。可惜份量細D,食完一碗都唔夠飽,哈哈!




2020年3月17日

埃及王子


英國肥仔首相,不封關封城,只希望民眾自律,唔好去酒吧,餐廳,劇院,及唔好出席任何大型活動。
你估西人唔會唔咁聽話呢? 不過,今日突然間,有很多活動主辦機構,都響應呼籲自行取消這類活動



2020年3月16日

聯合聲明


早兩個星期,市民除了搶廁紙,搶洗手液,搶抹手液,清潔劑,依家識買多D罐頭,乾貨,藥物。因為見到美國,歐洲其他地方已經封城封關。

今日我見到很多人,買酒,買啤酒,零食等,比較輕鬆。可能已經接受了事實。
網上圖片


2020年3月15日

英國


大家有留意今日睇新聞,都知道國民對英國政府應付武漢肺炎的抗禦能力/方法很不滿。 我覺得個肥仔首相都係講出事實,呢場仗唔易打架。 
2003 年,香港政府咪又係咁,所以人/事都要由經驗裏學習。 
不過肥仔首相唔封關,香港特區政府就封你關啦! (又唔見佢封大陸關!)

網上圖片


2020年3月13日

合格


兩星期 前做的 breast screening 乳房X光造影檢查報告返來囉! 合格!

之後每 3 年再檢查直到 71 歲。當然,如果平時感覺到有異樣,一定要去見醫生。




2020年3月12日

搶呀!


當日在網上見到港豬在超市搶購廁紙,我覺得佢地好不智!外國人甚至對這些中國人行為冷嘲熱諷!


2020年3月11日

維修


放假,約左師傅來整屋。 

隔離鄰居地下水管漏水,影響到我。 幾年前已經整過一次,又再發生漏水情況。 我要等鄰居完成佢那裡的問題,才可以搵人來維修我這邊。 

費用由鄰居的保險公司負責。今次的師傅,是一位年青的英國女仔,做事細心又有責任感。

今日第一個約會,未整好,兩星期後再來補油。




2020年3月10日

芋頭蒸排骨


我以為放假會做多左運動,其實又唔係喎,因為日日落雨,係落好大雨!所以一見有陽光就行多兩步。


2020年3月9日

本來⋯⋯今日 1


本來⋯⋯今日 (3月9日),我和雀后,卡晏E,一行 10 人去日本鹿兒島旅遊嘅!

但因武漢肺炎,今年的一期一會要取消。

雖然無得去玩,大家都覺得很可惜不過,為了健康,為了家人,再有機會架!





2020年3月8日

新朋友


星期六約了 blog 友 樊樊一家 食晏和做運動。 我哋相識咁耐,第一次見面呢。 
講到緣份,可能就係大家一齊做運動開始,這幾年間,我哋互相鼓勵與支持,認識深左。



2020年3月6日

回程


吃完星期日海南雞飯午餐,佢哋為我預備了飯後甜品,見到那些 cream, 真係無法抗拒呢!



2020年3月5日

靚早餐


期日,老表 ''公'' 煮左靚早餐招待我,有佢拿手的水煮蛋,烤煙肉,泡沫咖啡。不止滿足,係好開心喔!


2020年3月4日

食足三餐


尋晚食左韓燒,滿足也!所以瞓得好好,哈哈!

北部的天氣好煩,溫度低D,有落雪雨,冰雹,又有陽光!

早餐: 老表包的餃子。


2020年3月3日

韓燒


去探老表,沒帶行李。真係得兩梳蕉架!

今次第一次搭火車去!很容易喎,唔洗左轉右轉,兩小時就到,車票又平。



2020年3月2日

輪到我


英國的醫療服務真的不錯嘅!

以婦科來計,除了我無生過仔,享受唔到佢的產科服務。年青女仕,廿幾歲就可以定期做 smear test 子宮頸細胞檢驗 。到了47 歲,便會定期邀請做breast screening 乳房X光造影檢查。

我一個月前收到約會做乳健檢查,特別揀左星期五早上,返香港那天做。

之前問左幾個朋友,略知一二程序如何,係會夾到乳房超級痛!!!

其實我份人唔怕痛,未生過仔唔知咩叫十級痛,不過整咁多次牙,剝咁多次牙都「頂得著」!

準時到,一上左架 mobile unit ,登記護士第一句便問我有無外遊紀錄。無就去更衣室脫去上衣胸圍,行到 診症室,醫護人員講解一下,123 便開始做電腦掃描,向前面一次,左邊一次,右邊一次,5 分鐘攪掂!

兩三星期便收到報告。希望一切安好。





2020年2月28日

計劃取消


今日,我本來搭飛機返香港渡假嘅!因為武漢肺炎持續,把旅程取消了。

連同我和 blog 友的一期一會的日本和泰國之旅都因此而取消!

我那些可愛的 blog 友,不但沒有埋怨我,而且和我齊上齊落,大家都唔去。衷心感激她們明白事理!為我犧牲。

我仍然會照放這一個月大假 (好浪費架)。

今日搭火車去探表妹⋯⋯。




2020年2月27日

韓粉


武漢肺炎漫延到歐洲了,無論疑似與確診個案每日俱增,英國人終於都識驚。依家想買口罩,有錢都買唔到。 

最近我好恨食韓燒,不過無人陪。 自己食自己,買D牛肉,煮韓國粉絲,今次做有湯的。




2020年2月26日

大結局


上回講到我那離職的同事,在最後一個工作天,無故早走左半日。。。。。

本來我估我經理會在星期一同我討論下。可惜佢去完南美旅行睇獅子老虎返嚟之後病左。

到今日,我先有機會見到佢。 

原來,真係有人同佢報左料,那離職的同事早走左。 經理話,佢會嚴肅處理,一定會扣佢人工。這個結局,我都預左啦。




2020年2月25日

2020年2月23日

色彩


這個星期做運動的心返番嚟喇⋯⋯。

公園的花花草草開始長出新芽,雖然大風到癲左,哈哈!

見到有點色彩,心情也很放鬆!




2020年2月21日

下集


尋日個 post 有下集呀! 

開完例會(一小時後)。 我返回辦公室, 便收到經理的 email,提提我和總部的同事,及上司。 

因為佢病左,叫大家做好人,要和我的離職同事說再見,比D溫暖佢。 

其實我經理都知呢個人,人緣唔好,怕佢走時靜英英,又無 farewell party。我經理仲提到,呢位離職同事放工時間係  4:30 pm !!!!!! 

哈哈,哈哈,我覺得,我經理一係收到風,呢個同事已經早走左, 發個 email 保住自己,表示佢唔知呢個人已經走左。

今日經理都仲未返工,佢個秘書請我去佢office 食蛋糕。  

我唔經理點處理呢件事,星期一開個會就知道!





2020年2月20日

Last day


今日係那位 ''個個月被病人投訴的同事''  的最後一個工作天。

尋日我上司提醒我要同佢講再見,比張卡和花和朱古力佢。我心底就覺得 ''唔該佢快D走''。其實我經理比我仲憎佢,因為佢攪到個部門 down 哂。

可惜我經理今日病左無返,我當然乜野都無準備。呢位離職同事,忽然12 點幾來我office 講拜拜,我地傾兩句,佢就話去買午餐就離去。

 1 點,我代表我經理上總部開每月例會,報告我部門的近況。

我提到未來兩三個月都會唔夠人做,服務會受影響。新部門經理又唔知幾時開工⋯⋯。情況咁慘,即場收到各方慰問和支持!

我經理的秘書,突然話佢準備了張卡和蛋糕同呢位離職同事 farewell 。不過似乎呢個離職同事一去無回頭。

主持會議的大粒佬都好無奈,講左句,''見到佢就見啦⋯⋯''。

呢個世界居然會有D咁嘅人,虎頭蛇尾,星期一,二已經請病假,尋日無事,今日又咁⋯⋯?





2020年2月18日

星期一晚餐


最近我的晚餐有著落,星期六去契媽家食,星期一到阿E家。
佢哋都知我鍾意飲湯, 契媽善長煲老火湯; 阿E鍾意煲花膠海參鮑魚湯。 呢個幾個月真係好幸福囉。

平時無咁食法架。 因為契媽無返到香港, 阿E其實係煲比佢D孫飲,孫女同我一樣,好鍾意飲湯,我就漁人得利。


2020年2月16日

2020年2月14日

2020年2月13日

有鮑食!


阿E整左炆乾鮑,尋晚終於有機會食囉!

佢又燒燒肉和排骨,食到撐著個肚走,無做運動喇!




2020年2月11日

包餃子


好耐無玩過包餃子喇! 

自己搓皮,自己包,雖然豬肉是買現成免治的,菜都要切,蝦也要剝殼去腸。功夫唔少架!



2020年2月9日

十號風球


香港及附近地區的武漢肺炎情況仍然嚴重,英國今天有第4位確診病人。 

星期六,陽光普照,好暖,身心舒暢! 我見到有好多西人穿短袖衫,好痴線架!



2020年2月7日

炒魷


最近工事上很忙,一位個個月被病人投訴的同事被炒魷。 其實上,有不同部門的同事都有投訴過佢態度惡劣,無禮貌。 我真係攪佢唔掂,交左比我經理。 經理同佢做心理輔導,佢就懶自己係更年期喎。

最後,我寫左一封投訴信,話佢工作態度散漫(交唔到數),又對我無禮貌,唔尊重上司。 本應會交上人事部,開庭審佢。 不過佢可能收到風,上星期一自動辭職。 唉!一天光哂! 同佢共事14 個月,我都挨得好辛苦架!

其實我哋試過對佢軟硬兼師,點知佢軟又唔受,硬又頂返你轉頭。人好古惑,又會講大話, 我真係未見過一個白人係有咁嘅性格!




2020年2月6日

牛扒餐


尋晚去親戚屋企拜年,佢哋煮牛扒餐招呼大家。
D牛扒真係好靚,好軟滑。大廚煮的洋蔥汁,好好味!



2020年2月5日

點解? ? ?


一個咁癲嘅政府,攪到市民生活在驚恐之中,處處人心惶惶。 

點解香港會攪到咁!搶米,搶厠紙,搶罐頭,搶即食麵,搶餅乾,搶避孕套,搶M巾!

唉!大家要理性D先可以解決問題架

在網上報導見到這位伯伯排左幾日隊都買唔到口罩,喊左出來!

好彩最後有區議員揾到呢個伯伯,派左幾個比佢及時應急。

網上圖片


2020年2月4日

好大食


今日部門同事回來總部開會,一早已經約定一齊食晏。人多勢眾,不如食自助餐,公司附近有幾間很好的印式咖哩餐館。


2020年2月2日

倫敦恐襲


今日下午,倫敦南部發生了一件嚴重案件。 警方證實是恐怖主義罪行。  擊斃了一名涉案男子,這男子與伊斯蘭激進分子有關。

英國正值外患(武漢肺炎)內憂(脫歐),依家又多一單,真係人心惶惶。

網上圖片

2020年1月31日

終於⋯⋯「Brexit」


2020年1月31日英國時間晚上23:00起,英國將不再是歐盟成員國。

「Brexit」意指英國脫歐,由英國「Britain」的前兩個字母和離去「exit」結合而成。

今日的脫歐,就是在2016年6月23日英國舉行公民投票,而決定。結果,贊成脫歐派贏得51.9%,支持留歐派48.1%。

英國從今起會進入11個月的過渡期。過渡期的期限在12月31日,2021年英國才會正式脫歐。希望順利過渡!

網上圖片


2020年1月30日

橙皮果醬


橙皮果醬 marmalade 係老 dad 至愛,還有杏桃果醬。我由細到大只愛士多啤梨果醬。
橙皮果醬真係我的至討厭果醬的第一位。